DÍA MUNDIAL DA EDUCACIÓN AMBIENTAL

Atendendo ao noso calendario medioambiental, a data a conmemorar en xaneiro é a Educación Ambiental. Coincidindo con ela asistimos a unha xornada convocada por Voz Natura nas instalacións da Voz na Coruña. Tratábase de conmemorar os 20 anos de compromiso que levan dende este programa en todos os coles de Galicia que están adscritos a el...e que son moitos. Nós como AMA xa levamos 21 anos estando aí e dende o primeiro ano de Voz Natura nós camiñamos con eles. Foi moi interesante ter asistido e compartido con mestres implicados no mesmo que estamos nós. As encargadas de asistir fomos Angeles e eu.

20 ANIVERSARIO VOZ NATURA - Kizoa Editar Videos - Movie Maker

DÍA DA TERRA

HISTORIA DESTA DATA

As orixes da celebración remóntanse ó nacemento do movemento ecoloxista de finais da década de 1960 e comezos da seguinte. O primeiro que aparentemente concibiu a idea dunha festa denominada Día da Terra foi o asesor do presidente John F. Kennedy, Frederick G. Dutton, pero John McConnell tamén aparece xeralmente nas crónicas dos primeiros tempos como introdutor da idea dunha festa de carácter global nunha conferencia da Unesco celebrada en 1969. Ese mesmo ano o senador por Wisconsin Gaylord Nelson, preocupado pola degradación ambiental, animaría os estudantes a unírense na que sería a primeira protesta ecoloxista de importancia nacional nos Estados Unidos co obxectivo de intentar establecer a problemática ambiental na axenda política americana. Tería lugar o 22 de abril do ano seguinte cun éxito enorme que conseguiu mobilizar uns vinte millóns de americanos en toda a nación, dúas mil universidades, dez mil escolas primarias e secundarias e numerosas organizacións. Foi a primeira vez que se celebraba realmente en América o Día da Terra. Como consecuencia desta mobilización nacional en torno a un día de reivindicación ecoloxista, o senador Nelson puido abandeirar a creación da Axencia de Protección do Ambiente dos Estados Unidos (EPA) e conseguir que se aprobase lexislación ambiental duradeira, coma a Lei do Aire Limpo, e leis para protexer a auga potable (Lei da Auga Limpa), as especies animais en perigo de extinción (Lei das Especies en Perigo), e os mares. A data do 22 de abril segue sendo a celebración máis popular do Día da Terra nos Estados Unidos e fíxose tamén popular noutros moitos países.

EDUCACIÓN POLO MEDIO AMBIENTE

Algunha actividade que fixemos hoxe tivo que ver coa data que estabamos a conmemorar. Desta maneira fomos a colgar na nosa árbore multitemática unhas pombiñas nas que escribimos distintos consellos medioambientais.

 

 Tamén transplantamos uns loureiros en testos máis grandes coa idea de que medren e podamos levalos ata as zonas do Bañal ou do antigo vertedoiro de Marraxón.

DÍA DA EDUCACIÓN AMBIENTAL

Non son partidaria de adicarlle un Día a temas que son pura lóxica...pero xa que moitos e moitas fan máis caso das boas maneiras lembrando esas datas desta forma, pois aí vai unha imaxe que nos amosa o importante que é o coidado do noso Medio Ambiente.
Eduquemos dende a base...dende as familias...dende os coles...entre as amizades.
A NATUREZA É MOI SABIA: COIDEMOS DELA PARA QUE NON TEÑAMOS QUE ARREPENTIRNOS DO MAL QUE LLE FACEMOS.

VISITOUNOS UN GRUPO DE NENOS, NENAS E PROFES DE ASPANAES

Puidemos disfrutar da visita destes compis que compartiron unhas actividades con nós. Sementamos noces e castañas en tetrabricks reciclados e decorados por eles. Tamén nos explicaron como aprendían eles con pictogramas e xuntos elaboramos un mural con recortes para formar a roda dos alimentos. Gustounos moito ter pasado esta experiencia con este grupo de nenos. Quedamos en voltar un día ao seu cole. Moitas grazas pola visita!!!

DÍA MUNDIAL DO MEDIO AMBIENTE: A NOSA EXCURSIÓN

Onte, 5 de xuño, conmemorábase esta data medioambiental tan importante. E a nosa mellor manera de celebralo foi organizar a excursión de fin de curso indo á Granxa escola da Casa Grande de Xanceda e ao Museo de Brañas de Valga. Ata alí fomos en dous autobuses o alumnado dende 1º a 4º de primaria con 6 mestras. Tivemos unha xornada cun tempo estupendo que nos permitiu disfrutar tanto da experiencia nesta granxa ecolóxica na que aprendimos tanto e logo pola tarde visitar o Museo de oleiría de Brañas de Valga e facer obradoiros co barro.
Como tantas cousas fixemos case vos deixamos cun collage de fotos que van a amosarvos de mellor forma o que aconteceu esa xornada. Foi intensa pero moi aproveitada.
E xa me diredes se a nosa excursión está relacionada co Medio Ambiente!!!!
Ah!! Non podemos esquecer os agradecementos: ás mestras acompañantes, a maiores das titoras, que foron Blanca e Angeles. Aos conductores dos autobuses e pola parte de 1º un pouco máis a Pablo que botou unha man en toda a visita que fixemos á granxa. E, como non, ás monitoras encantadoras que nos guiaron, amosaron e ensinaron tanto na granxa como no museo. Moitas grazas a todos eles!!!!!!
Nas dúas primeiras composicións podedes ver parte do que fixemos pola mañá na Casa Grande de Xanceda. No último hai unha pequena mostra do que disfrutamos en Brañas de Valga.

granxa xanceda - Movie Maker

granxa xanceda 2 - Movie Maker

museo brañas de valga - Movie Maker

DÍA MUNDIAL DA EDUCACIÓN AMBIENTAL

Este domingo, día 26, celébrase o Día Mundial da Educación Ambiental, unha efeméride que tivo a súa orixe na Declaración da Conferencia das Nacións Unidas sobre Medio Ambiente, celebrada en Estocolmo (Suecia), en 1972, e que veu supoñer un antes e un despois na visión das cuestións medioambientais desde a dimensión educativa, expoñendo a necesidade de criterios e principios cos que mellorar o noso contorno.
Posteriormente, celebrouse un Seminario Internacional que dou como resultado a Carta de Belgrado, na que se plasmaron as reivindicacións fundamentais da educación ambiental, pasando a ser concibida como un proceso dinámico e participativo que busca sensibilizar á poboación sobre a problemática do medio ambiente, tanto desde unha dimensión xenérica como específica, prestando especial atención ao espazo máis inmediato de cada cidadán.
É por isto que se conclúe a necesidade de que a educación ambiental traballe en varias frontes: a toma de conciencia sobre os problemas do medio ambiente, o coñecemento, as actitudes, adquirindo valores sociais, as aptitudes, interiorizando as habilidades necesarias para resolver os problemas, a capacidade de avaliación, tendo en conta os condicionantes ecolóxicos, políticos, sociais, estéticos e educativos, e, por suposto, a participación, desenvolvendo o sentido da responsabilidade.
Porque non vale unicamente coñecer, senón que hai que aprender a apreciar e a defender, pois a natureza, lonxe de ser unha fonte inagotable de recursos ao noso servizo, é un ecosistema fráxil coas súas propias esixencias.(Copiado da páxina de Sogama)

SEMENTAMOS CASTAÑAS NA SEMANA INTERNACIONAL DOS BOSQUES AUTÓCTONOS

Seguimos contribuíndo a que os nosos bosques teñan vida. Este venres sementamos castañas de tres tipos, todas elas autóctonas. Para elo fomos co noso testo particular, reutilizando un tetrabrick, a enchelo de terra no viveiro do patio. Logo metimos dúas castañas (por se unha non da prendido) procurando que a parte máis picuda estivera cara arriba xa que por aí abrirá a raíz do novo castiñeiro. Esta vez imos coidalas na aula ata que teñamos unha plantiña de 15 ou 20 cm. Daquela levarémolas para o horto , transplantarémolas e cando sexa o momento irán a formar parte dos bosques que estamos a levar adiante dende a nosa Aula de Medio Ambiente. Trátase do Bañal e de Marraxón.
Aínda que o venres facía sol tamén facía moito frío, é por iso que nas fotos saímos abrigadiños.

DÍA DOS BOSQUES AUTÓCTONOS

Un ano máis , hoxe é o día que se conmemora o día mundial dos Bosques Autóctonos. Sería boa cousa reflexionar un pouco sobre o rumbo que está tendo o noso mundo actualmente. A deshumanización estanos levando a un abandono  das nosas propias raíces.
Volvamos a mirada ao que temos máis próximo como son os nosos bosques e toda a vida que alí hai.Coidemos e disfrutemos dos nosos entornos naturais que son ben fermosos.
PLANTA UNHA ÁRBORE. PLANTA VIDA.
Pareceume fermoso este vídeo que reflexa unha historia verdadeira acontecida en Kenia pero que pode ser aplicada a calquera lugar do noso planeta.

DÍA DA EDUCACIÓN AMBIENTAL

Toda a xornada de hoxe, 26 de xaneiro, estivo adicada a actividades e obradoiros relacionados co MEDIO AMBIENTE.
Estiveron con nós dúas monitoras de ADEGA que desenrolaron o obradoiro "O ruído é contaminación: mapa do ruído". Este obradoiro o fixemos os cursos de 3º e 4º. Con el puidemos comprobar a cantidade de decibelios que podía haber en diferentes estancias do pavillón de primaria. A verdade é que aprendimos moito. Sobre todo o concepto de contaminación acústica. Noutros cursos tamén se traballou o tema das enerxías renovables.
Tamén a última hora estivemos participando do obradoiro de fabricación de xabrón a partir de reciclar aceite doméstico usado. Cos axuda e experiencia da profe Blanca puidemos ver todo o proceso que non é a primeira vez que o facemos. Foron varios cursos que pasaron pola aula de inglés onde se facía esta actividade.
Xa vos contaremos como remata este experimento!!!

DÍA MUNDIAL DO MEDIO AMBIENTE

Sobran palabras, chegan as imaxes.
ACTUEMOS XA!!!!!!!!!!
Non chega co 5 de xuño, o ano ten 365 días. Cada un deles fagamos algo polo noso planeta,pola nosa vida. É imprescindible.

DÍA EUROPEO DOS PARQUES NATURAIS

Este día celébrase en toda Europa, en conmemoración da creación dos primeiros parques de Suecia no mesmo día do ano de 1909.

Cada ano hai varias actividades nas áreas protexidas do continente para facer fincapé nos valores naturais e culturais e para dar a coñecer a importancia de protexer esas áreas.

ACTIVIDADES NO DÍA DA AUGA

Dende AMA e seguindo a estela das adicatorias a temas relacionados coa natureza e o medio ambiente hoxe comezamos facendo uns experimentos sinxelos coa auga en compañía da clase de 2º e a súa titora. Foi moi divertido.





Logo do recreo e na biblioteca do centro tivemos a sorte de contar coa presenza de Marisol Souto que nos veu a falar do proceso de formación do lago das Pontes. Estivemos todo o colectivo de mestres e alumn@s e estivo superinteresante o que vimos e escoitamos. A verdade é que aprendimos moitas cousas que penso que son importantes para todos nós. MOITAS GRAZAS MARISOL!!!!

DÍA MUNDIAL DA AUGA: 22 DE MARZO

ONU adica O Día Mundial da Auga, en 2010, a importanza da calidade da auga, a fin de demostrar que na xestión dos recursos hídricos a calidade dos recursos é tan importante como a cantidade.

Día Mundial da Auga 2010 é:
• Aumentar a concienciación sobre a conservación de ecosistemas sans e benestar humano, abordando os retos crecentes en relación á calidade da auga colocada á xestión deste recurso, e
• Dar maior importancia á cuestión da calidade da auga para instar aos gobernos, organizacións, comunidades e persoas en todo o mundo para actuar sobre esta cuestión e facer esforzos para evitar a contaminación, limpeza e rehabilitación, entre outros.


As actividades realizadas durante o Día Mundial da Auga, en 2010, terá como obxectivo transmitir mensaxes sobre a calidade da auga, os ecosistemas e o benestar humano.

OBRADOIRO DE XABRÓN

Este xoves fixemos unha actividade ben bonita na nosa aula. Transformamos boa parte do aceite usado que fomos traendo das nosas casas en xabrón.
Para elo contamos coa gran axuda da profe Blanca á que dende aquí lle damos as grazas.
Tamén queremos agradecer a visita da clase de 5 anos que viñeron a participar con nós xunto coa súa profe Oliva.
A maneira de facelo é a seguinte:bótamos nunha tina grande 7 litros de auga e lle disolvemos un kilo de sosa. Temos que deixar ventilar, coas ventás abertas, uns 15 minutos para que se vaian os gases (este apartado é mellor que o faga sempre un adulto). Logo lle mezclamos 7 litros dese aceite usado ( que se fora grasa de porco serían 6 kilos), un paquete de deterxente e unhas gotas de esencia olorosa (neste caso lle puxemos romeiro e eucalipto). Logo hai que darlle voltas cun pao alongado e sempre no mesmo sentido. Neste último paso participamos todos.
Hai que deixalo repousar unhas horas ata que vexamos que vale para cortalo e desa maneira xa teríamos os tacos de xabrón.

VISITAMOS O HORTO

Logo de tantos días sen poder baixar ao patio por culpa do mal tempo, este martes fixemos unha pequena incursión polo noso viveiro para ver como estaban as nosas sementes. Comprobamos que aínda non tiñan trazas de sair. A verdade é que o tempo non lles axudou nada. Aproveitamos para voltar a sementar "bellotas" que nos trouxo Blanca de Córdoba.
A ver se agora que tamén mellorará o tempo, conseguimos que algunha delas poda prender e nos dé unha agradable sorpresa.

11º CONCURSO DE RECICLADO

Dende aquí quero animar a toda a comunidade educativa que participe con ilusión e con gañas nesta nova edición do noso concurso de reciclado dende a AMA do noso centro.

11º CONCURSO DO RECICLADO “MONTE CAXADO

A aula de Medio Ambiente “Monte Caxado” convoca o 11º Concurso do Reciclado, coa finalidade de ir fornecendo ao colexio dos materiais mínimos para ir conformando un pequeno Museo do Reciclado.
Tendo iso en conta, as bases deste concurso serán as seguintes:
- Poden participar tódolos/as alumnos/as do centro.
- Os traballos poden presentarse de forma individual ou por parellas.
- A lingua usada será o Galego.
- Calquera traballo que se entregue para este concurso terá como condición imprescindible que fora realizado con materiais xa utilizados ou de refugallo. O tamaño máximo para os traballos será o seguinte: base de 60 por 30 cm, e altura de 30 cm.
- O deseño e tipo de traballo (cadros, esculturas, máquinas...) serán establecidos polos propios concursantes, evitando repeti-los modelos gañadores en anos anteriores.
- Haberá unha comisión avaliadora dos traballos, formada por persoas da Comunidade Educativa do Centro, que se encargará de dictaminar os premios, procurando no posible, e á vista dos traballos gañadores, agrupar os premios por idades, tipos de traballos ou outros criterios que se establezan nese momento. Esta comisión tamén poderá declarar os premios desertos. O seu dictame será inapelable.
- Os premios estableceranse a posteriori e dependerán das obras gañadoras, tendo en conta que sempre gardarán relación coa Natureza e que pretendemos que teñan a categoría de “grandes premios”.
- Os traballos poderán presentarse no colexio, cun sobre pechado que conteña os datos do autor ou autores, antes do día 6 de abril do 2010.
- Os traballos gañadores pasarán a ser propiedade do C.P.I. “Monte Caxado” e os non gañadores poderán retirarse do Centro nos quince días posteriores á resolución do concurso.

As Pontes, a 1 de marzo de 2010