VISITA DE NENOS E NENAS DAS SOMOZAS

Hoxe tivemos unha visita especial. Viñeron con Olalla nenos e nenas de 1º e 2º do cole das Somozas a ver o noso horto e a disfrutar con nós dun par de horas que souberon a moi pouco. Puidemos plantar xuntos logo de ver un vídeo explicando como se deben plantar as cenorias. Quedamos encantados con esta visita e prometimos que para o vindeiro curso íamos seguir en contacto.
Moitas grazas por achegarvos ata o noso cole!!
 

somozas - Kizoa Editar Videos - Movie Maker

VISITOUNOS UN GRUPO DE NENOS, NENAS E PROFES DE ASPANAES

Puidemos disfrutar da visita destes compis que compartiron unhas actividades con nós. Sementamos noces e castañas en tetrabricks reciclados e decorados por eles. Tamén nos explicaron como aprendían eles con pictogramas e xuntos elaboramos un mural con recortes para formar a roda dos alimentos. Gustounos moito ter pasado esta experiencia con este grupo de nenos. Quedamos en voltar un día ao seu cole. Moitas grazas pola visita!!!

VISITOUNOS ANGELES!!!

Hai uns días puidemos disfrutar da sempre grata presenza da profe Angeles. Amosounos a súa experiencia na viaxe que fixo últimamente a Ecuador. Deixounos impresionados moitas das cousas que nos contou. O que máis a súa incursión de 4 días na selva facendo vida nunhas cabanas adaptadas para o turismo. A min do que máis me gustou foi ver os mercados con tal cantidade de froita tan apetitosa. Que rico!!!!
Xa sabes, Angeles, que podes voltar sempre que queiras. Encantounos que estiveras entre nós esa mañá. Primeiro por terte a ti e logo polo que aprendimos sobre ese país que se chama Ecuador.
Un bico enorme para ti de todos e todas nós

APRENDEMOS SOBRE O MUNDO DAS ABELLAS

Esta mañá tivemos de novo a oportunidade de que visitaran a nosa aula os pais de Uxía, Juan Carlos e Mª José e tamén os nenos e nenas de 3º coa súa mestra Loli. Os pais de Uxía viñeron cargados con utensilios que utilizan no quefacer diario coas abellas: un panal, unha roda de cera, o traxe de apicultor, abellas mortas, revistas co tema das abellas e un tarro de mel. Pasamos unha hora ben entretida e formativa.
 Moitas grazas por achegarnos toda esa información

MÚSICA, MAESTRO!!!!!!!!!!!!!!!!!!!!!

A última hora da mañá tivemos unha actividade ben chula na nosa clase. Visitounos Ribeira e José Mª ( pai da nosa compi Antía) para amenizarnos con música e baile da nosa terra. Trouxeron instrumentos como a gaita, frauta, pandeiro, tamboril, cunchas,..... Tocaron varias pezas e puidemos acompañar cantando, tocando palmas e ata bailando. Participou con eles Antía que o fixo moi ben. Estiveron con nós os compis de 2º coa súa titora e tamén a profe Fina F.
Disfrutamos moitísimo e gustaríanos que viñeran cando quixeran.
Moitísimas grazas por vir e facelo tan ben!!!!!!!!!!!!!!!!!!!!!

SUSO CUBEIRO E OS SEUS DEBUXOS

Na mañá de hoxe veunos visitar o ilustrador de libros, Suso Cubeiro. Non é a primeira vez que ven ao noso cole e sempre que o fai déixanos engaiolados co seu bo facer con fermosos debuxos. Foi cerca dunha hora e estiveron acompañándonos na nosa aula o alumnado de 5 anos e o de 2º xunto coas súas titoras.
Moitas grazas por facer tan sinxelo o arte de debuxar e pintar e por deixarnos unha mostra do teu bo facer con ese dinosaurio!!!!!