9º CONCURSO DO RECICLADO

Xa comezamos cos traballos reciclados que temos que presentar ata o 31 de marzo. Estes traballiños facémolos na casa coa axuda dos nosos maiores. O importante é participar e pasalo ben mentres fas esa actividade. E TI? AÍNDA NON EMPEZACHES¿

VISITA A RECICLATERRA

Na última semana de marzo fomos en autobús a Ferrol varios cursos do noso cole. Íamos ver unha obra de teatro que estivo moi chuli e logo os peques de infantil e o noso curso de 1º achegámonos ata Reciclaterra que é unha caseta feita no antigo vertedoiro de Mougá . Alí estaban esperando dúas monitoras moi atentas que nos explicaron e ensinaron cousas que teñen que ver co reciclado. Mirade unha pequena mostra.Sí que o vimos moi interesante pero foi moi pouquiño tempo. ¡VOLTAREMOS SEGURO!

OBRADOIRO DO BÁLSAMO PARA MASAXES

Hai tres semanas pasamos por unha experiencia diferente na nosa clase xa que puidemos seguir o proceso para elaborar unha crema moi curativa.Veu a explicárnoslo Elena Arnoso que sabe moito de productos naturais . Dende esta ventaíña queremos darlle as grazas. Aí tedes a receita por se queredes practicar na vosa casa :

• 60 ml aceite de coco


• 2 g. cera de abellas


• 1 g. de alcanfor


• 6 gotas de aceite esencial de tomentelo, 6 de menta piperita, 6 de clavo, 6 de romeu e 6 de eucalipto.

Fundir ó baño maría a cera e agregarlle os ingredientes graxos (aceite e alcanfor).

Mover e apartar do lume engadindo as esencias pouco a pouco.

Cando arrefríe un pouco xa o podemos meter nos envases de cristal.

As indicacións son diversas: artrosis, reuma, dores articulares. Tos, gripe, friaxes, asma, bronquite. Analxésico para dores de cabeza, riñón fígado, estómago, intestino.

ENTROIDO 2008 (2)

E a parte de disfrazarnos tamén xogamos, recortamos carautas, e comemos freixós e orellas. Disfrutamos moito.

ENTROIDO 2008 (1)

Este ano non fixemos os traxes na clase xa que aproveitamos a capa marela do curso pasado e a decisión foi que cada un de nós viñera do que máis lle gustara da súa casa. A verdade é que quedou un mosaico chulísimo coa variedade de disfraces que se chegaron a facer cunha mesma capa.Vede unha pequena mostra do chulis que quedaron.

PROCESO DAS SEMENTES (2)

As sementes que sementamos en outono van agromando pouquiño a pouco.Sacamos unhas fotos con compañeiros de outras clases onde se pode ver como algunhas van xa moi altas, outras algo menos e moitas delas aínda lles está costando sair.Seguiremos a coidar delas a ver se en maio xa as temos todas nacidas. ¿Vedes as nogueiras que velocidade levan?.

PROCESO DAS SEMENTES (1)

Primeiro fixemos un traballo en plástica coreando e decorando tetrabricks de leite .Logo metímoslle terra e colocamos sementes: noces e castañas. Dende aquela estamos coidando delas na nosa aula ata que medren algo para pasalas a macetas e deixalas no viveiro exterior que temos preto do horto.

MAIS ACTIVIDADES

Participamos no mes de novembro nun concurso de manualidades para a feira de fungos e cogumelos que se celebra no noso Concello dende hai uns anos. Fixémolo cun traballo conxunto as clases de 1º e 2º e gañamos un premio. Gustounos moito facer os cogumelos coa plastilina e tamén ser gañadores con esa actividade.

ALGUNHAS ACTIVIDADES NESTE CURSO

No magosto baixamos ó patio para facer xogos toda primaria e infantil. Primeiro xantamos castañas asadas e bebimos un zumo ou auga. Estaban boísimas e pasámolo moi ben.