MÁIS FOTOS

&nbs


Algunhas fotos máis desa actuación na Casa Dopeso dos nenos e nenas de 1º e 2º facendo unha obriña de teatro.

FOTOS DA OBRA DE TEATRO "QUÉROTE MOITO".

 

 

 

 

BO NADAL!!!!!!!!!

Estamos en pleno apoxeo de vacacións de decembro.
Quería poñer unhas fotos do festival do venres 19 que celebramos na Casa Dopeso pero non me vai a ser posible facelo, co cal subireinas na próxima entrada.
Pois sí que fixemos un festival moi chuli onde houbo moita variedade de actuacións. O curso de 2º xunto con 1º interpretou unha obriña moi agarimosa titulada "Quérote moito". Fixéstelo moi, moi ben, noraboa!.Tamén cantaron unha panxoliña e fixeron un baile moi divertido.
Agora toca descansar, divertirse, relaxarse e cargar pilas para voltar con moitas ganas o día 8 de xaneiro.
Cun sorriso enorme dígovos: Facede aquelo que vos faga felices, desa maneira faredes felices ós que vos queren.
Biquiños e Bo Nadal!!!.
Escoitade e vede un vídeo que a min resúltame moi relaxante e divertido.

NEVE NO CAXADO

Chegaron as primeirísimas neves a nosa vila.Dende o sábado puidemos ver como caían as primeiras neves deste outono-inverno. Non houbo clases nen luns nen martes. Os que puideron subir ó noso Monte Caxado puideron disfrutar dunhas xornadas únicas.Mirade unha mostra do que digo!!

MÁIS FOTOS DO DÍA DO PAN

FIXEMOS E COMEMOS PAN!!!!!!

Este luns puidemos levar adiante unha experiencia moi saborosa ó tempo que moi interesante. Grazas á nai de Vicente, alumno de 1º, e sobre todo á súa avoa que fixo a masa o día anterior, os nenos e nenas de 1º e 2º amasamos e fixemos un boliño de pan coas nosas mans. Algún o fixo "preñado" xa que lle metían cachiños de chourizo. logo metémolos no forno para que se coceran e no recreo papámolos e ...que ben sabían!!!, e non vexades o arrecendo que había polas clases próximas e polos corredores. Quedounos ganas de probar outro día.

OLA, DE NOVO!!!!!

Coido que xa ía sendo hora de que actualizase este blog.A verdade é que tiña ganas de contar novas pero ás veces non hai o tempo suficiente.
Dende o día 4 deste mes xa volto a ser case eu, e digo case porque aínda estou recuperándome pero a cousa vai ben que é o que importa.
Pois dende ese día fixemos moitas cousas na clase pero o máis salientable foi a celebración do magosto que foi o venres 7. Ese día baixamos ó patio e o primeiro foi ir ata a cafetería a que algunhas nais, moi amablemente, nos repartiran as castañas asadas, zumes e augas. Por suposto que nós xa levabamos o noso cucurucho preparado para tal evento. Logo de degustalas tranquilamente no patio e aproveitando que facía unha mañá relativamente soleada fixemos uns xogos populares organizados polo mestre de E.F.,Pablo.Algún destes xogos: Zancos, paracaídas, brilé, can e gato, tiro da corda que compartimos co resto de cursos de primaria. Estivo todo perfecto ata que comezou a chover un pouquiño pero xa estabamos rematando.
A verdade é que o pasamos xenial.

MOITAS GRAZAS

Ola a todos e todas!.
Quero agradecer de corazón os desexos de melloría e os ánimos que recibín dende incluso antes de que me operaran.Este agradecemento vai para a miña familia, amig@s, compañeir@s e para ese grupo de nenos e nenas de 2º de primaria que xa me tarda velos. Digo esto último xa que son os que máis tempo fai que non vexo.
Tárdame moito voltar á normalidade pero ben sei que xa queda pouquiño. Queda claro que estou moi ben coidada e que eu estou portándome de maravilla para que a recuperación sexa rápida e efectiva. Moitas grazas polo libriño dos meus alumn@s e polas mostras de cariño de tod@s vos.
UN BIQUIÑO e vémonos axiña!!!!!!!

BENVID@S A UN NOVO CURSO

Voltar de novo ó traballo con ilusión e ganas é o que fai que a vida esté chea de momentos moi importantes. Vernos e comprobar que todo marcha dá forzas para quere comezar xa. Teño moitas ganas de vervos e poder seguir disfrutando dos vosos avances, das vosas dúbidas, de todo o que aportades día a día... en definitiva "do voso medrar paseniño".Un bico enorme da vosa titora para esas persoiñas que van a seguir comigo nun novo curso de 2º.

A EXCURSIÓN CONTINÚA EN BETANZOS

Logo de xantar e repousar un pouco voltamos ó autobús para que nos levara ata Betanzos. Como era cedo para entrar no Museo de Arte Contemporáneo pasamos media hora na plaza da Igrexa . Alí mercamos xeados para todos e todas e bebimos auga dunha fonte . A verdade é que facía moita calor.




Cando foi hora entramos no Museo e Maria, a guía, amosounos todo e deunos unhas explicacións moi interesantes. O que máis chamou a atención foi ver que na planta de abaixo había como uns obradoiros nos que se vía ós artistas traballar nas súas obras que logo colgan, na planta de arriba ,moitas delas. Vimos como as nosas camisetas con debuxos son elaboradas a través dos seus debuxos. Gustounos moito.




Cando rematamos esta visita baixamos andando un cuarto de hora ata o Parque do Pasatempo para merendar e xogar nos tobogáns e nos bambáns. Foi difícil facerlles ver que xa era hora de voltar para As Pontes. Gustoulles moitísimo os xogos deste parque, sobre todo o tobogán de curvas.



Supoño que ían ben cansos pero aínda aguantaban un rato máis.



Agora veredes algunhas fotos destas actividades que vimos de explicar.



Tamén hai que agradecer a atención das mestras acompañantes que foron Digna, Benita e unha servidora.



DEICA O VINDEIRO CURSO¡¡¡¡¡¡¡¡¡¡

SEGUIMOS DE EXCURSIÓN EN CABANAS

Logo da camiñata polas fragas chegamos sobre a unha ó pinar de Cabanas. Facía un día tan bo que xa de entrada puxémonos a xogar coa area e polo medio das árbores. xa sobraban camisetas e calzado. Había outros coles tamén de excursión. ¡ Que ganas tíñamos case todos de darnos un baño!, pero non íamos preparados para esa actividade. Estivemos un bo anaco xogando ata que houbo que parar un pouquiño para xantar o que levabamos nas mochilas. Algún e algunha decontado rematou.

EXCURSIÓN DE 1º CICLO DE PRIMARIA

O venres 13 deste mes saímos ás 9 e cuarto da mañá para facer unha viaxe que vos imos contar por fases. Primeiro toca falar das Fragas do Eume. Ó chegar estaba esperando por nós Nacho, así se chamaba o guía que nos levou case tres horas de camiñata para ensinarnos varias cousas. Aprendimos algunhas especies de plantas e animais que viven nas Fragas, en especial falounos das diferencias entre reos e troitas. Tivemos que pasar por unha ponte colgante que se movía e que daba algo de grima pero fomos moi valentes que a pasamos todos incluida eu que case non o creo. Pero mereceu a pena xa que o sendeiro estaba chachi e vimos unha curripa que non imos dicir o que é para que teñades que investigar un pouco.

Hai que salientar que cansamos moi pouquiño xa que a paisaxe compensaba todo e que botamos de menos a Loli, titora de 2º, que sabemos que viña de moi boa gana pero que aproveito para dende aquí darlle moitísimos ánimos de todos nós e que queremos vela axiña sen temas médicos polo medio. Un biquiño para ela.

VISITA DE JOSE O FARMACEUTICO

Este xoves tivemos unha charla interesante na clase de 1º todo o alumnado de 1º ciclo. Veunos ver un farmacéutico do noso pobo que se chama Jose. Explicounos cousas como que os termómetros de mercurio estaban a desaparecer xa que este elemento é moi tóxico. Puidemos comprobar o que pesa un pouquiño dese mercurio. Tamén trouxo un aparatiño de cristal cun líquido malva dentro que coa calor da súa man subía polo tubiño facendo unha figura moi chula. Era para explicar como o mercurio pode subir por efecto da calor dentro do termómetro.

Tamén nos contou como hai moitos anos alguén descubriu os efectos curativos da cortiza do salgueiro e que de aí naceu a aspirina. Experimentamos como se mide a tensión e como hai dosificadores milimétricos que se utilizan nas farmacias para facer fórmulas maxistrais.

Aprendimos moito e aproveitamos para preguntar dúbidas que tíñamos e que logo Jose nos contestou moi amablemente.

Dámoslle as grazas de corazón e gostaríanos que voltara outro día para contarnos máis cousas da súa profesión que é ben bonita.

MOITAS GRAZAS JOSE¡¡¡¡¡¡¡¡

FESTA DE VOZ NATURA

Durante todo o día de onte celebrouse no parque de Culleredo, como todos estes anos, a festa de Voz Natura onde todos os colexios participantes na edición deste ano acuden con boa parte dos seus traballos, alumnado, profesorado e pais/nais. No caso do noso colexio desplazámonos sobre 50 persoas, case todas elas nun autobús. O día estivo moi ben en canto á climatoloxía e coido que cando rematou a xornada había cansanzo pero, sobre todo "eles" (nenos e nenas) viñan moi ledos de todo o que se divertiran.

Pola nosa parte levamos unha pequena mostra do que traballamos todo este ano a prol do medio ambiente.E como a teima persoal é continua seguiremos a fomentar o amor pola natureza e o coidado do medio ambiente en todos os campos.

DIA MUNDIAL DO MEDIO AMBIENTE

YouTube - Oye a la naturaleza (Chúzalle en YouTube)

Hoxe é 5 de maio e polo tanto toca celebrar o día do medio ambiente.Pero, c0m0 case todo,non se trata de adicar un día a algo tan fundamental e importante como o tema desta data. Coido que ese traballo ten que ser continuo, constante,ás veces calado pero sen baixar a garda un só momento.Que é o medio ambiente?. Unha resposta tipo sería "O Coidado da natureza". E non se iría errado se a resposta fora profunda. O medio ambiente é todo: a alimentación, os deportes, a vexetación, os ríos, os mares, os medios de transporte, o lixo e a súa reciclaxe, os animais, a tecnoloxía,...Non remataría de enumerar os factores do día a día que entran dentro desta consideración.Quizás habería que falar do ""home"" como elemento clave en que este proceso de coidado da natureza e o medio ambiente fose todo o positivo que debería ser.Imos ser bos e pensar que a partir de hoxe, e non hoxe soamente, aportremos algo a este gravísimo problema do deterioro continuo que temos no noso PLANETA.

TEMPO DE XOGOS NO PARQUE

Tamén tivemos ocasión de pasar un rato no parque. Houbo sorte e ,a pesar de que o día estivo gris e chovendo en moitos momentos, logo de xantar puidemos ir unha horiña ata o parque que estaba ó lado da carpa.Pasámolo moi ben e case nos facía falta xa que cando tocou atender a outros coles portámonos bastante ben.

Podo asegurar que se o vindeiro ano nos volven a convocar pensamos repetir a experiencia. Viñemos moi enriquecidos con esta nova experiencia.

XANTAR E EXPOSICIÓN DE TRABALLOS

Logo de expoñer o noso traballo de primeiros e quedarnos tan ben feitiño ( e non decimos mentira ningunha xa que gustou moito) e tamén de ter pasados os nervios escénicos incluindo os das profes, tocou sentarnos para poder escoitar a unha parte dos outros coles.

Cando chegou a hora do xantar fomos ata unha carpa onde estaban os nosos traballos expostos e alí miramos tanto os nosos como os dos demais participantes. Tamén nos deron bocatas, bebidas e froita.