NO INVERNADOIRO XA TEMOS VERDURA RICA......FACEMOS ENSALADA

O xoves pasado visitamos a plantación de verduras e xa vimos que medrara moito e limpamos algunhas herbas que podían entorpecer ese crecemento.
Xa este xoves decidimos recoller unhas leitugas e acelgas. Queríamos facer unha salada para o recreo dde hoxe venres. A profe engadiu un pouco pan e uns tomates. Nós lavamos moi ben a verdura e aliñámola para comer un bocata de leituga. A uns gustoulle máis que a outros, pero varios repetiron. Como lle prestou a profe vernos comer tan san!. 

 Non diredes que non estamos feitos uns cociñeiros de primeira!!!

Bo proveito!!!

VOLTAMOS A COCIÑAR: ROSCOS DE BLANCA

Este venres cociñamos de novo unha rica sobremesa. Neste caso a profe Blanca ensinounos a facer unhas roquiñas que estaban para chuparse os dedos. Participamos neste obradoiro a nosa clase de 1º e os compis de 2º coa súa profe Loli.
Aquí vos deixamos a receita por se alguén se anima:
-3 ovos
-un vaso de leite
-un vaso de aceite
-un vaso e medio de azucre
-3 culleradas de anís
-Riladura dun limón
-Papeliños gasosa 3
-Fariña a que admita (sobre un kilo)
Deixar repousar a masa un rato. Logo hai que liar as rosquiñas e darlles forma. Fritir en abundante aceite moi quente. Escurrir ben e rebozar en azucre e canela.
E a saborealas que merece a pena!!!!!. Graciñas Blanca!!!!!

FACEMOS FREIXÓS E ORELLAS

Estamos inmersos nas datas do Entroido e por iso animámonos a facer unha sobremesa típica destas datas. Disfrutamos moito facéndoas e logo coméndoas no recreo. A verdade é que chegaron a pouco pero aquí vos deixamos a receita para os que queiran animarse:
4 ovos, 400 g de leite, 250 g de fariña, unha cullerada de manteiga, un pelisco de sal e 3 culleradas de anís.
Debían de estar boas que non quedou ningunha. Pero compartimos cos compis de 1º e con algúns profes que se pasaron pola aula.



Aquí podemos ver como colaboramos facendo as orellas na clase de 1º. Tamén estaban ben boas!!!!

APRENDENDO A FACER O CALDO

No horto do noso cole xa temos fermosos grelos. E xuntando as fabas e as patacas que recollemos en setembro decidimos facer un plato típico tanto do tempo de inverno no que estamos como da nosa terra. Non esquecimos ningún paso e o resultado foi un caldo rico, rico!!!!
Podedes ver como traballamos e como disfrutamos logo comendo. Bo proveito!!!!.
Dá gusto ver como aproveitamos a colleita da nosa horta!!!

VISITAMOS O INVERNADOIRO E O HORTO E ......

Como gozamos estes dous días!!!!. Primeiro, o xoves fomos ata o invernadoiro e ao horto a recoller as verduras e hortalizas que tan ben se deron neste verán, logo de plantalas antes de rematar o curso pasado. Acompañáronnos os compis de 1º coa súas profes Loli e Belén.Hai que salientar que contamos coa gran axuda de Abel e Jose. A eles dous, moitas grazas.
Recollimos berenxenas, pementos de dúas clases, tomates, patacas, algún repolo e unha cabaciña.

invernadoiro e horto - Movie Maker

E logo desta gran colleita había que facer algo de proveito con todo. E nada mellor que facer unhas pizzas vexetarianas que sairon sabrosísimas e que foi un grande acerto. Aquí tamén voltamos a contar coa axuda de Jose tanto coa masa como co forno da súa casa, xa que o noso era un pouco pequeno.
A experiencia foi fabulosa e saborosa aínda máis!!!!

pizzas - Movie Maker