POR FIN!!!.
Esta semana puidemos baixar ata o horto e plantamos leitugas e patacas. Logo do inverno tan chuvioso e frío que tivemos houbo que cortar herba e darlle volta á terra estes días atrás para que agora puidéramos plantar algo . Imos ver se antes de que remate o curso podemos ver algún resultado.
Esta mañá tivemos de novo a oportunidade de que visitaran a nosa aula os pais de Uxía, Juan Carlos e Mª José e tamén os nenos e nenas de 3º coa súa mestra Loli. Os pais de Uxía viñeron cargados con utensilios que utilizan no quefacer diario coas abellas: un panal, unha roda de cera, o traxe de apicultor, abellas mortas, revistas co tema das abellas e un tarro de mel. Pasamos unha hora ben entretida e formativa.
Moitas grazas por achegarnos toda esa información
Con motivo desta data medioambiental fixemos un traballo de plástica na aula que xunto coa clase de 3º elaboramos un mural coas nosas apertas á Terra.
O día 23 de abril conmemórase o día do libro. Este día tamén fixemos un orixinal marcapáxinas.
Esta semana tivemos ocasión de disfrutar dunha actividade sobre o cosmos xa que quedou instalado no noso centro un planetario móbil. Neste caso fomos xuntos os cursos de 3º e 4º de primaria.
