DÍA DE ROSALÍA

Hoxe estivemos na biblioteca compartindo con outros cursos unha experiencia ben bonita. Estreamos os novos carnés da biblio e levamos un libro en galego para ler na casa. Escribimos unha palabra que relacionáramos con Rosalía nun libro das Palabras Fermosas. Recitamos en voz alta poemas de Rosalía. Escoitamos cantar a unha compañeira de secundaria que o fai moi ben, Antía, e tamén a acompañamos xa que sabemos o poema de "Adiós ríos, adiós fontes".
Temos que agradecer as profes Loli, Angeles, Ana e Oliva o bonita que deixaron a nosa biblio e o que curraron para ternos preparados eses carnés tan chulis. Un bico para elas.

CONMEMORAMOS A ROSALÍA

Sabido é que na nosa aula temos un cariño especial a algunhas escritoras e escritores. No caso delas lembramos, sempre que temos ocasión, a Helena Villar Janeiro e a Rosalía de Castro. O que máis nos engaiola delas é a súa poesía.
Este 24 de febreiro adícase á Rosalía coincidindo coa súa data de nacemento (24 de febreiro de 1837). 
Deixo nesta entrada un par de reproducións de cadros pintados por un amigo pintor e que veu unha Rosalía xoven e un simbolismo curioso noutro cadro con maior colorido. Desta forma:

• A franxa de cor azul é en lembranza da bandeira de Galicia
• A franxa de cor vermello, cunha liña fina máis clara no centro, é en lembranza de Breogán: "...o raio transparente do prácido luar..."
• A cor negra do pelo e da chaqueta é pola Negra Sombra de Rosalía
•  A mesma chaqueta parece recordar ao vestido das "festas".
• Os entrantes azuis na chaqueta foron pintados pensando nas Rías Galegas.
• Por último leva pintado o G de Galicia

 O pintor é Heber Luis Gil Ameixeiras

ROSALÍA CONTINÚA: ANFITRIONA HELANA VILLAR JANEIRO

Remata o 24 de febreiro pero nós continuamos lembrando a súa obra e a súa vida grazas a que hai quen nos axuda a elo.
Mirade que vídeo tan fermoso.

ROSALÍA SEMPRE VIVA

Hoxe conmemoramos o Día de Rosalía. Para nós é unha muller escritora moi importante. Adicamos bastante tempo a estudar a súa obra. Xa o pasado ano representamos os seu poema "Un repoludo gaiteiro" no Festival das Letras Galegas. Neste curso seguimos a traballar ese mesmo poema e "Adiós ríos, adiós fontes". Neste martes estivemos recitando, cantando, debuxando e decorando a Rosalía de Castro.

ROSALÍA DE CASTRO
(1837 – 1885)
Naceu en Santiago de Compostela un 24 de febreiro e pouco sabemos de cando era pequena. Viviu entre Ortoño e Padrón, non coñecemos ao seu pai pero si lle sabemos o segundo nome: Rosalía Rita.
A Rosalía, na escola, gustábanlle moito o debuxo, a música e recitar.
Cando foi maior, casou cun xornalista galego chamado Manuel Martínez Murguía. Con el tivo seis fill@s.
Cambiou moitas veces de domicilio por mor do traballo do seu home. Viviu en Madrid, Lugo, Simancas, a Coruña, Santiago, Lestrobe, Estremadura, Alacant, etc.
Rosalía nunca tivo moi boa saúde e, ademais, a morte d@s fill@s non axudaron a que estivera ben.
Compuxo os seus primeiros poemas cando tiña doce anos e ós dezasete xa era coñecida no "Liceo de San Agustín" de Santiago grazas ó seu primeiro libro La Flor.
O seu home animouna a publicar as cousas que escribía e foi unha das escritoras máis importantes do Rexurdimento galego e do Romanticismo español.
Morreu moi nova, ós corenta e oito anos, en Padrón. A súa casa é hoxe un museo que podemos visitar.

SEMPRE ROSALÍA !!!!!!

24 DE FEBREIRO: DÍA DE ROSALÍA

ROSALÍA, SEMPRE VIVA!!!

Hoxe cumpliría 176 anos a nosa grande Rosalía de Castro. 
E, máis que nunca, o seu espíritu debe de seguir entre nós.