FELICES VACACIÓNS

Hoxe, 21 de xuño, cúmprese un ano daquela nova que caeu como un xarro de auga fría sobre a nosa comunidade educativa. Decisión tomada dende os despachos sen ningunha lóxica e moi a traizón. Lembro o fin de curso tan amargo que foi para todos nós. E a pesares de toda a nosa loita por entender tal inxustiza aínda hoxe non hai explicación consecuente para que podamos dar creto a ese Decretazo. 
Pero hoxe aquí quero facer unha despedida de curso como se debe facer sempre. Agradecer dende o corazón a todas as familias que me acompañaron nestes 10 meses e que permitiron que eu formara parte da formación e evolución destas 17 persoiñas . A todos vós desexo que pasedes un verán xenial, que disfrutedes moito estedes onde estedes. Que merecedes un descanso con maiúsculas.
Igualmente quero facer extensivo os agradecementos a todos os mestres e mestras que pasaron pola nosa aula. Foi un gustazo compartir traballo con vós.
Un bico grandote para todos e todas. FELIZ VERÁN!!!!
(Na foto non están todos os mestres)