XOGOS NA CAPELA

Por segunda vez achegámonos nenos e nenas de 3º e 4º ata o cole da Capela onde nos esperaban para compartir unhas horas de xogos no pavillón do seu cole. Disfrutamos moito facendo xogos por grupos e turnándonos, de maneira que todos pasaron por todos. Acompañounos unha nai de 3º, Pedro e a coidadora. Tamén visitamos o museo do xoguete que teñen dentro do seu cole e unha biblio moi chula. Moitas grazas pola estupenda acollida.

 

xogos na capela - Kizoa Editar Videos - Movie Maker

VISITAMOS A BIBLIOTECA

Hoxe achegámonos ata a biblioteca do centro na hora de Relixión e Alternativa. Fomos con Ana que nos explicou o funcionamento dos marcapáxinas que estivemos a facer o primeiro trimestre. Desa forma tamén comezamos a utilizar de forma diferente os nosos carnés da biblioteca. Mirade que chuli quedou o clasificador dos marcapáxinas!!.

GRAZAS E BENVIDA

Ola a todos e todas. Chegou o momento de retomar este blog logo duns meses parado .
E que mellor que facelo dando as grazas a Lorena, mestra que estivo na aula de 4º levando o primeiro trimestre todo o peso do curso. Dámoslle as grazas de novo e convidámola a que se pase por aquí sempre que queira e poda. Dende aquí enviámosche a maior sorte na túa seguinte incursión no ensino.

E tamén quero agradecerlles o recebemento que hoxe me fixeron as nenas e nenos de 4º. Chegar á aula esta mañá e ver o mural primeiro e logo as cariñas de todos vós faime sentir algo tan fermoso como se fora o primeiro día dunha fructífera andaina nesta profesión maravillosa.

Un bico para Lorena e nenas e nenos de 4º.

AGASALLO PARA HELENA

Este sábado 25, tivo lugar en Rianxo un acto ben fermoso. Foi a XXII edición da homenaxe "A escritora na súa terra- Letra E". Este ano a homenaxeada era a nosa entrañable amiga Helena Villar Janeiro. Ata Rianxo me desplacei e participei dunha xornada moi linda. Un dos encargos que levaba era transmitirlle os parabéns de nenos e nenas da miña clase de 3º e entregarlle un libriño feito por eles facendo un retrato de Helena. Aquí tedes ese libriño. Que saibades que lle gustou moitísimo e que vos dá as grazas e vos manda un bico.

rianxo - Kizoa Editar Videos - Movie Maker

ROTEIRO POLO CAMIÑO DOS ARRIEIROS

Fermoso roteiro que fixemos onte todo o alumnado de primaria cos seus profes e dous técnicos da empresa local de Xestión Cultural ,Cultureume. Foi a segunda parte do Camiño dos Arrieiros. Un achegamento a lembrar formas de existir dos nosos antepasados. Xuntamos Patrimonio histórico e medioambiental e actividade física nun entorno natural. Camiñamos dúas horas, como verdadeiros campeóns. E chegamos en bus ata o inicio deste camiño que é en Estaca de Vares (ou Bares). O día acompañou.

roteiro 2016 - Kizoa Editar Videos - Movie Maker

VISITA DE NENOS E NENAS DAS SOMOZAS

Hoxe tivemos unha visita especial. Viñeron con Olalla nenos e nenas de 1º e 2º do cole das Somozas a ver o noso horto e a disfrutar con nós dun par de horas que souberon a moi pouco. Puidemos plantar xuntos logo de ver un vídeo explicando como se deben plantar as cenorias. Quedamos encantados con esta visita e prometimos que para o vindeiro curso íamos seguir en contacto.
Moitas grazas por achegarvos ata o noso cole!!
 

somozas - Kizoa Editar Videos - Movie Maker

AUDICIÓN CON ALUMNOS DO CONSERVATORIO

Este martes puidemos disfrutar dunha audición feita por alumnos de percusión do Conservatorio das Pontes na nosa biblio. Gustounos moito e puidemos ver o ben que o fai un dos nosos compis, Daniel,  tamén outro alumno de 5º, Daniel, amosou un instrumento moi orixinal feito con botellas.