domingo, 31 de enero de 2016

CANCIÓNS PARA A PAZ


Estas son as cancións que estamos aprendendo para cantalas o venres 5 todo o cole no festival.







martes, 26 de enero de 2016

EDUCACIÓN POLO MEDIO AMBIENTE

Algunha actividade que fixemos hoxe tivo que ver coa data que estabamos a conmemorar. Desta maneira fomos a colgar na nosa árbore multitemática unhas pombiñas nas que escribimos distintos consellos medioambientais.




 Tamén transplantamos uns loureiros en testos máis grandes coa idea de que medren e podamos levalos ata as zonas do Bañal ou do antigo vertedoiro de Marraxón.









DÍA DA EDUCACIÓN AMBIENTAL

Non son partidaria de adicarlle un Día a temas que son pura lóxica...pero xa que moitos e moitas fan máis caso das boas maneiras lembrando esas datas desta forma, pois aí vai unha imaxe que nos amosa o importante que é o coidado do noso Medio Ambiente.
Eduquemos dende a base...dende as familias...dende os coles...entre as amizades.
A NATUREZA É MOI SABIA: COIDEMOS DELA PARA QUE NON TEÑAMOS QUE ARREPENTIRNOS DO MAL QUE LLE FACEMOS.

lunes, 25 de enero de 2016

lunes, 18 de enero de 2016

SEGUNDA LECCIÓN DE XADREZ

XADREZ NA AULA

Hoxe foi a segunda sesión que tivemos xadrez na clase por un monitor especializado, Rafael, que ven do Círculo Ferrolán de Xadrez. A verdade é que estamos felices de que esta actividade tan importante vaia a estar con nós todos os luns ata rematar o curso.
 Xa vos iremos contando!!



jueves, 14 de enero de 2016

VISITAMOS A CAPELA: MUSEO ETNOGRÁFICO E COLEXIO

Este xoves tivemos unha xornada do máis interesante. Fomos os cursos de 2º e 3º de Primaria coas titoras e o mestre de E.F. xunto con dúas nais, ata A Capela. De entrada achegámonos ata o Museo Etnográfico que está ubicado nunha fermosa casa  e alí estaba Secundino agardándonos para amosarnos todo o que alí había. Aínda que no noso cole temos prácticamente todo, parecía como se nunca víramos certas cousas. Gustounos moito as explicacións de Secundino.
Á media mañá estabamos no cole xa que alí contaban con nós tanto Xabier, mestre responsable de Brinquedos, como nenos e nenas de 2º e 3º que ian facer de monitores cos nosos alumnos. Varios foron os xogos tradicionais que puidemos compartir e disfrutar no pavillón: as chapas, a corda, a mariola, o peón, os zancos, a zorregada...
Daba gusto o ben organizados que estaban eses nenos e nenas, e o limpo e ordeado que tiñan todo o recinto de xogos...Sempre se aprende con estas visitas.
Moitas grazas a todos e todas!!. Voltaremos outro día xa que quedaron cousas por ver como o Museo do Xoguete e do Xogo.