sábado, 25 de junio de 2016

AGASALLO PARA HELENA

Este sábado 25, tivo lugar en Rianxo un acto ben fermoso. Foi a XXII edición da homenaxe "A escritora na súa terra- Letra E". Este ano a homenaxeada era a nosa entrañable amiga Helena Villar Janeiro. Ata Rianxo me desplacei e participei dunha xornada moi linda. Un dos encargos que levaba era transmitirlle os parabéns de nenos e nenas da miña clase de 3º e entregarlle un libriño feito por eles facendo un retrato de Helena. Aquí tedes ese libriño. Que saibades que lle gustou moitísimo e que vos dá as grazas e vos manda un bico.


miércoles, 22 de junio de 2016

ROTEIRO POLO CAMIÑO DOS ARRIEIROS

Fermoso roteiro que fixemos onte todo o alumnado de primaria cos seus profes e dous técnicos da empresa local de Xestión Cultural ,Cultureume. Foi a segunda parte do Camiño dos Arrieiros. Un achegamento a lembrar formas de existir dos nosos antepasados. Xuntamos Patrimonio histórico e medioambiental e actividade física nun entorno natural. Camiñamos dúas horas, como verdadeiros campeóns. E chegamos en bus ata o inicio deste camiño que é en Estaca de Vares (ou Bares). O día acompañou.






miércoles, 8 de junio de 2016

VISITA DE NENOS E NENAS DAS SOMOZAS

Hoxe tivemos unha visita especial. Viñeron con Olalla nenos e nenas de 1º e 2º do cole das Somozas a ver o noso horto e a disfrutar con nós dun par de horas que souberon a moi pouco. Puidemos plantar xuntos logo de ver un vídeo explicando como se deben plantar as cenorias. Quedamos encantados con esta visita e prometimos que para o vindeiro curso íamos seguir en contacto.
Moitas grazas por achegarvos ata o noso cole!!
 

martes, 7 de junio de 2016

AUDICIÓN CON ALUMNOS DO CONSERVATORIO

Este martes puidemos disfrutar dunha audición feita por alumnos de percusión do Conservatorio das Pontes na nosa biblio. Gustounos moito e puidemos ver o ben que o fai un dos nosos compis, Daniel,  tamén outro alumno de 5º, Daniel, amosou un instrumento moi orixinal feito con botellas.



sábado, 4 de junio de 2016

VOZ NATURA

Este sábado voltamos a participar un ano máis da festa final que Voz natura celebra en Acea da Ma como colofón a todo un ano de actividades medioambientais nos coles que participan neste programa dende hai 20 anos. Un grupo de nenos e nenas acompañados de familiares e mestras disfrutamos dunha xornada cargada de actividades diversas para os escolares. Deixo unha foto coa exposición do noso cole.

viernes, 3 de junio de 2016

EXCURSIÓN A POBO AVENTURA

Este venres fomos de excursión os cursos dende 1º ata 4º de primaria. Levounos o autobús pola mañá ata o lugar de Teixeiro a un espazo á beira do río Carregal, afluente do Mandeo, onde uns monitores agardaban por nós para facer varias actividades no entorno da natureza. O día non puido estar millor. Logo de rematar as actividades programadas viñemos xa para As Pontes pero fixemos unha paradiña en Vilalba, na súa praia fluvial. Alí merendamos e estivemos pouco tempo.
Foi unha xornada do máis divertida

 

lunes, 30 de mayo de 2016

XADREZ

Este último luns de maio foi a despedida das clases de xadrez por este curso. Esperemos que o vindeiro podamos seguir aprendendo con estas clases e con Rafa. Moitas grazas por ensinarnos tanto!




viernes, 27 de mayo de 2016

PREMIOS ONCURSOS RECICLADO E LETRAS GALEGAS

Este venres entregáronse os premios destes dous concursos que xa están instaurados no noso cole logo de tantos anos. Foi na biblioteca do cole. Dende aquí os meus parabéns a todos e todas que participaron cos seus traballos, en especial a Andrea e Noa que destacaron no Certame das Letras Galegas e a Noa, Érika e Gabriel así como o traballo colectivo de reciclado que recibiron agasallo polo traballo de reciclado.
Moitos parabéns a todos e todas polos traballos tan bonitos que presentaron.


jueves, 26 de mayo de 2016

ESCRIBIMOS CON PLUMILLA

Imitamos aos nosos antepasados cando non había bolígrafos e tiñan que escribir con tinta e plumillas. E non nos saiu tan mal!!


martes, 24 de mayo de 2016

LETRAS GALEGAS NA BIBLIOTECA

Este mércores tivemos un acto ben bonito na biblioteca do pobo. Organizado pola asociación Hume achegouse ata a nosa vila a escritora e amiga Mercedes Queixas Zas para falarnos do seu último libro sobre Manuel María "Labrego con algo de poeta".Foi unha exposición moi emotiva e moi didáctica. Dende aquí quero agradecer aos meus lumnos e alumnas: Óscar, Andrea, Noa, Érika, Daniel, Lara e Destaw e aos seus pais que puideran achegarse ata a biblioteca e quer puidéramos disfrutar do recitado de dous poemas de Manuel María. Encantounos a todos o ben que o fixeron. 
Moitas grazas!!!


viernes, 20 de mayo de 2016

TRABALLOS DE RECICLADO

Como todos os anos voltamos a participar no concurso de reciclado que dende a Aula de Medio Ambiente xa leva concocado 17 edicións. Todos trouxemos un traballiño feito na casa e fixemos un colectivo que elaboramos na aula. Mirade o resultado.

miércoles, 18 de mayo de 2016

FESTIVAL DAS LETRAS GALEGAS

Hoxe celebramos no cine Alovi o noso festival a Galicia, a nosa lingua e a Manuel María. Logo de ter ensaiado e practicado a obriña que levaba por título "Camiñando con Manuel María" nenas e nenos de 2º e 3º de primaria, e con algo de nervios por como nos sairía por fin representamos da mellor maneira que sabíamos facer. E vaia que ben nos saiu...Teño que dar os parabéns máis agarimosos aos meus nenos e nenas que estiveron de 10...tamén aos compis de 2º que xuntiños formamos un gran equipo. e, por suposto, aos profes que botaron unha boa man.
Un bico para todos vós. SODES O MILLOR!!!
Unha cousa teño moi clara...que se Manuel María nos vira ía estar super feliz e facéndonos un guiño.














CAMIÑANDO CON MANUEL MARÍA

martes, 17 de mayo de 2016

MANUEL MARÍA

LETRAS GALEGAS.:MANUEL MARÍA


Historia do Día das Letras Galegas


O Día das Letras é unha data consagrada á exaltación e promoción da nosa literatura e da nosa lingua arredor da cal se celebran no noso país, e no estranxeiro, numerosas producións e eventos culturais de homenaxe á figura escollida. O 20 de marzo de 1963, coincidindo co centenario da publicación de Cantares Gallegos, de Rosalía de Castro, os académicos de número Francisco Fernández del Riego, Manuel Gómez Román e Xesús Ferro Couselo propuxeron a celebración do Día das Letras Galegas no seguinte escrito presentado á Academia:

Con motivo de se celebrar no presente ano o Centenario da pubricación de "Cantares gallegos" de Rosalía de Castro, os membros numerarios que subscriben someten á consideración da Xunta xeneral da "Real Academia Gallega", a seguinte proposta:
1º.- Todos sabemos que o libro rosalián editado en 1863, ten sido a primeira obra maestra con que contóu a Literatura Galega Contemporánea. A súa aparición veu a lle dar prestixio universal á nosa fala como instrumento de creación literaria. Representa, pois, un fito decisivo na historia da renacencia cultural de Galicia.
2º.- A celebración do centenario diste acontecimento, convida a reconsiderar o siñificado do mensaxe transmitido nos "Cantares". Un mensaxe que, tanto como esprito e pobo, tanto como universalismo e galeguidade, foi, estéticamente, un mensaxe de palabra e poesía.
3º.- Velahí por qué, ademáis dos aitos conmemorativos que se orgaícen pra reaitualizar na conciencia das xentes o acento de tal mensaxe, a Academia -como órgano oficial da nosa cultura- debería consagrar, con caracter de perdurabilidade, o simbolismo da data nunha celebración anual.
4º.- O millor xeito de o conseguir sería que acordase decrarar Día das Letras Galegas, o 17 de maio de cada ano, a partir do presente. Contaríase así, pra o porvir, cunha xornada oficialmente adicada a honrar ós nosos libros. O día 17 de maio de cada ano viría ser a data destinada a recoller o latexo material da actividade inteleitual galega.
5º.- Ninguén desconoce que o libro ten unha forza simbólica estraordinaria. Sendo a amosa máis reveladora do nivel cultural dos pobos, non é de estranar o afán de esparexelo e de lle abrir camiños pra ensanchar o ámpido dos seus leitores. No caso de Galicia, ningunha data máis axeitada pra enaltecer e difundir o libro eiquí producido, que a que conmemora a pubricación da obra coa que se encetóu o prestixio contemporáneo das Letras galegas.
6º.- De atopar eco no acordo dos numerarios da Corporación o contido dista proposta, compriría dalo a conocer en Nota oficial, recabando a colaboración dos centros culturás de Galicia e a de todos os Centros Galegos do mundo, pra percurar o ésito consagratorio da celebración.


O 28 de abril do mesmo ano, en Xunta ordinaria, a Academia resolveu, por unanimidade, aprobar esta proposta e declarar Día das Letras Galegas o 17 de maio de cada ano, tal como se recolle na acta da sesión:

[...] O secretario deu a coñecer unha interesantísima proposición que subscriben os numerarios señores Fernández del Riego, Gómez Román e Ferro Couselo, en relación coa publicación de "Cantares Gallegos" de Rosalía de Castro, que se cumpre o 17 de maio vindeiro. Na súa vista, a asemblea acordou declarar "Día das Letras Galegas" o 17 de maio de cada ano, a partir do presente que esta Corporación celebrará coa máxima solemnidade, recabando, como se solicita, a colaboración das institucións culturais do país e a de todos os Centros Galegos do mundo para o maior realce de tan sinalada efemérede. [...]

Tratándose, xa que logo, do centenario da súa obra, foi Rosalía de Castro a primeira homenaxeada á que continuarían, desde esa data e sen interrupción, outras moitas figuras senlleiras da nosa cultura, elixidas en Xunta Ordinaria pola Academia, como se recolle nos seus Estatutos:

(Capítulo 1, Artigo 2):
Son finalidades da Real Academia Galega
Decidi-la personalidade literaria á que cada ano se lle dedica o Día das letras Galegas.
(Capítulo 2, Artigo 7)
Na primeira reunión despois do Día das Letras Galegas, o Plenario da RAG escollerá o persoeiro a quen se lle dedicará esa conmemoración no ano vindeiro. A figura elixida deberá ser autora dunha obra relevante en galego e persoa de calidade cultural e humana que mereza propoñerse como exemplo á sociedade galega de hoxe. En calquera caso deben pasar dez anos entre a súa morte e a designación para ese día. As propostas, razoadas e asinadas por un mínimo de tres académicos, deberán incluírse na convocatoria do Plenario correspondente.


domingo, 8 de mayo de 2016

XADREZ

Seguimos tendo unha sesión de xadrez todos os luns con Rafa como monitor e a verdade é que xa é moito o que aprendimos.





jueves, 5 de mayo de 2016

SAÍDA AO LAGO

Este xoves tivemos a sesión de E.F. no exterior. Xunto coa mclase de 4º fomos ata o Lago e alí disfrutamos facendo varios xogos nese entorno, incluindo a camiñata de ida e volta. Pasámolo xenial.







miércoles, 4 de mayo de 2016

XORNADA SOLIDARIA CON EXHIBICIÓN DA GARDA CIVIL

Este mércores participamos dunha actividade fóra do centro. Tratouse dunha exhibición das distintas especialidades da Gard Civil. Ao mesmo tempo puidemos facer unha acción solidaria compartindo productos comestibles e de aseo para que Cáritas poda facerllos chegar á xenter necesitada.








viernes, 29 de abril de 2016

SORPRESA COS NENOS E NENAS DE SOMOZAS

Hai unha semana tivemos a grata sorpresa de que a mestra Olalla, moi boa amiga nosa e que agora dá clases no cole veciño das Somozas, tiña que darnos algo. Tratábase dun testo con cenorias que plantaran na aula e que non tiñan un espazo onde facer o transplante. Entón pensaron en nós e xunto cunha carta moi chula escrita por eles contaban que querían que nós as plantáramos no noso horto.
Quedamos moi agradecidos e contestámoslles con outra carta e unha nogueira das que nós sementamos no outono. Seica a van coidar e para o vindeiro ano plantarán no seu patio.
Xa vos contaremos como van a seguir estas boas relacións que iniciamos desta maneira tan bonita.
E tamén o que pasa con esas cenorias que plantamos no noso horto.





sábado, 23 de abril de 2016

DÍA DO LIBRO

Sempre é necesaria, importante e formativa a lectura de libros, revistas, xornais....
Esta semana estivemos facendo actividades relacionadas con esta conmemoración. A lectura diaria xa é algo que está instalado na programación diaria de aula. Por veces na biblioteca e outras na propia clase. Compañeiras que levan o departamento de biblioteca traballaron conxuntamente con alumnos para conseguir un mural ben chulo sobre unha escena do Quijote...tamén a porta da nosa biblio quedou chulísima semellando a entrada a un muíño de vento dos que saen na obra de Cervantes. Parabéns polo traballo final.
Igualmente elaboramos uns marcapáxinas e uns colgantes en forma de libro imaxinando que sendo un libro o que seríamos...





 ESTA IMXE QUEDA AQUÍ POLO SIGNIFICADO QUE TEN PARA MIN A LECTURA DUN LIBRO: UN LIBRO É UNHA PLANTA...CADA VEZ QUE LEMOS NACEMOS E MEDRAMOS AO MESMO TEMPO