O TEU SORRISO

DÍA DA EDUCACIÓN AMBIENTAL

2012-01-26T15:18:00.000-08:00

Toda a xornada de hoxe, 26 de xaneiro, estivo adicada a actividades e obradoiros relacionados co MEDIO AMBIENTE.
Estiveron con nós dúas monitoras de ADEGA que desenrolaron o obradoiro "O ruído é contaminación: mapa do ruído". Este obradoiro o fixemos os cursos de 3º e 4º. Con el puidemos comprobar a cantidade de decibelios que podía haber en diferentes estancias do pavillón de primaria. A verdade é que aprendimos moito. Sobre todo o concepto de contaminación acústica. Noutros cursos tamén se traballou o tema das enerxías renovables.
Tamén a última hora estivemos participando do obradoiro de fabricación de xabrón a partir de reciclar aceite doméstico usado. Cos axuda e experiencia da profe Blanca puidemos ver todo o proceso que non é a primeira vez que o facemos. Foron varios cursos que pasaron pola aula de inglés onde se facía esta actividade.
Xa vos contaremos como remata este experimento!!!

CELEBRAMOS O NADAL

2011-12-22T04:02:00.000-08:00

Neste mes de decembro tivemos distintas actividades que tiñan que ver con estas datas navideñas. Fixemos manualidades reciclando envases que levaban antes café. Decorámolos e fixemos adobíos para decorar os corredores do cole. Tamén ensaiamos distintas panxoliñas e quedámonos coa de "Metido nun ovo", para representala no festival de Nadal, que foi o venres, 16 de decembro no cine Alovi.
Por outro lado participamos toda a clase facendo debuxos para o Concurso que convoca a AMA para elaborar o calendario 2012. Esta vez elexiron os traballos de Eric e Antía para formar parte do mesmo. A eles dous unha noraboa especial e felicitar a todas e todos por facelo tan ben. Por certo!, podedes ver o calendario completo no Blog de AMA.
Entregáronse os premios do calendario o mércores 21. Nese acto, que foi no pavillon do noso cole, puidemos asistir á representación dun conto titulado "O sapiño e a lúa". Foi por deferencia da ANPA e estivo moi entretida.

QUE PASEMOS UNHAS ESTUPENDAS VACACIÓNS DE NADAL E QUE O NOVO ANO VEÑA CHEO DE BOAS NOVAS!!!!!!!!

PANXOLIÑA

2011-11-25T14:15:00.000-08:00

METIDO NUN OVO

Os tres Reises Magos

Van para Belén

Quitaron os zocos

Para correr ben

Lupe de Caveira

Failles o café,

Esperanza de Macario

Peneira de pé

(BIS)

Escoiten señores

O aguinaldo novo

Que naceu o neno

Metido nun ovo

Escoiten señores

O aguinaldo vello

Que naceu o neno

Metido nun cesto

Déano-lo aguinaldo

Anque sexa pouco,

Un bo bacallao

E a metade doutro.

De postre castañas

Boas e ben grandes,

Un molete enteiro

E un queixo de Flandes

(BIS)

Escoiten señores

O aguinaldo novo

Que naceu o neno

Metido nun ovo

Escoiten señores

O aguinaldo vello

Que naceu o neno

Metido nun cesto

DÍA MUNDIAL DOS BOSQUES AUTÓCTONOS

2011-11-23T02:00:00.000-08:00

Hoxe conmemoramos a importancia que teñen os nosos bosques e como debemos coidalos. É fundamental que saibamos que sen natureza, sen árbores, sen ríos a nosa vida non sería a que é. Debémoslle moito e temos que pensar que o coidado e respeto ao medio ambiente é unha garantía para o presente, pero sobre todo para o futuro.
NON O ESQUEZAMOS!!!!!!!!!

Dende a A.M.A. e como data incluida no noso calendario medioambiental, invitamos a Antonio Teijeiro, que é garda forestal de toda a zona do Eume, a que viñera polo centro a falarnos da importancia dos bosques e de todos os seres vivos que alí habitan.
Fixemos dúas quendas entre as 10:10 horas e as 12:10 h. Nun primeiro grupo fomos o alumnado de infantil e primaria ata 4º e nun segundo grupo foron o alumnado de 5º e de 1º ciclo de secundaria.
O relator amosou fotos que gustaron moito e os nenos e nenas fixéronlle moitas preguntas que Antonio respostou encantado.
Outra actividade prevista foi a de visualizar unha montaxe que fixo José Antonio Soto con algunhas das fotos que trouxeron nenos e nenas e que facían referencia a árbores centenarias da contorna.
Moitas grazas a todos e todas!!!.

DÍA UNIVERSAL DOS DEREITOS DOS NENOS E NENAS

2011-11-20T02:10:00.000-08:00

O 20 de novembro de 1959 aprobouse a Declaración dos Dereitos do Neno. E desde entón, en todo o mundo, celébrase nesta data o Día Universal do Neno.
Este é un pequeno resumo dos Dereitos universais dos nosos pequenos e pequenas:

1.- Dereito á igualdade, sen distinción de raza, relixión ou nacionalidade.
2.- Dereito a unha protección especial para que poidan medrar física, mental e socialmente sans e libres.
3.- Dereito a ter un nome e unha nacionalidade.
4.- Dereito a unha alimentación, vivenda e atención médica axeitadas.
5.- Dereito a educación e atencións especiais para os nenos física ou mentalmente diminuídos.
6.- Dereito a comprensión e amor por parte das familias e da sociedade.
7.- Dereito a unha educación gratuíta. Dereito a divertirse e xogar.
8.- Dereito a atención e axuda preferentes en caso de perigo.
9.- Dereito a ser protexido contra o abandono e a explotación no traballo.
10.- Dereito a recibir unha educación que fomente a solidariedade, a amizade e a xustiza entre todo o mundo.

CORRENDO NA FRAGA

2011-11-18T01:30:00.000-08:00

Hoxe fixemos unha actividade fóra do centro. Fomos ata a Fraga toda a primaria dos coles da localidade. Tratábase de correr por categorías e os nosos nenos e nenas fixéronno de marabilla. O máis importante é a participación e a deportividade que se respirou en todo momento. Logo destacar o primeiro posto para a compañeira Antía e o 2º posto para o compañeiro Eyob (estou falando do curso de 3º). Por suposto felicitar a todos e todas. Notamos en falta, por parte da organización, que non houbera nen unha auga para cada corredor.
Só queda felicitar aos nenos e nenas e ao profe Pedro polo ben que o fixeron.

SEMENTAMOS CASTAÑAS

2011-11-15T15:39:00.000-08:00

Hoxe voltamos a plantar castañas deste outono coa pretensión de conseguir outros tantos castiñeiros. Coidarémolos ata que teñamos pequenas arboriñas.
Fixémolo no viveiro do noso cole onde unha xente dos obradoiros do concello están montando un estupendo invernadoiro que xa está tomando forma.

MAGOSTO NO COLE

2011-11-04T14:24:00.000-07:00

Este venres foi día completo de actividades extra. Aparte da vídeoconferencia da que falamos antes tamén tivemos a festa do magosto.
No recreo comemos castañas asadas e bebimos batidos e augas , grazas ao traballo dos membros da ANPA. Logo fomos ata o pavillón a disfrutar de distintos xogos populares, organizados esta vez polo mestre de E.F., Pedro.Os xogos eran: zancos, corda, pano, brilé, carreira de sacos e carreira de fogazas.
Sobra decir que o pasamos xenial, que participamos todos e que de remate cantamos unha cantiga da castaña que aprendimos na clase de música con Marita.
FOI UN VENRES REDONDO!!!

DEREITO DE GOZAR DA CIENCIA EN GALEGO

2011-11-04T13:51:00.000-07:00

Este venres asistimos na biblioteca á video-conferencia que se emitiu para escolas de primaria dende o Museo de Historia Natural da Universidade de Santiago de Compostela. Fomos os cursos de 3º, 4º, 5º e 6º de Primaria

A relatora foi a directora deste museo, Da. Mª Isabel Fraga Vila e versou sobre os bosques e a súa importancia para que recordemos que o 2011 é o Ano Internacional dos Bosques.

Homenaxéase a figura de dúas científicas, Madame Curie e a matemática galega Maria Wonenburger polo seu labor científico e como representante dun grupo de mulleres que contribuiron a cambiar o papel da muller na ciencia.

A data de hoxe é doblemente importante porque o galego tamén serve para falar de asuntos de ciencia.

MOITAS GRAZAS Á PROFESORA ISABEL FRAGA POLA SÚA CONFERENCIA!!!

COMEZA UN NOVO CURSO

2011-09-15T08:59:00.000-07:00

Dende esta entrada quero dar a benvida a 16 nenas e nenos que comezan este ano un curso de 3º de primaria. Xa levamos camiñando xuntos dous cursos e este ano únese a nós unha alumna nova, Bruna, á que acollimos con moito agarimo. A partir de agora esperamos contar o que nos vaia deparando estes 10 meses de estancia nun curso novo.

BOAS VACACIÓNS E DEICA SETEMBRO!!!!!!!!!!!

2011-06-21T14:46:00.000-07:00

Hoxe foi o día de remate deste curso de 2º. Ao longo da mañá celebramos unha merenda na aula e logo un festival con todos os compis de infantil e primaria. Foi unha mañá divertida e diferente ás demáis.
Disfrutade do verán e vémonos en setembro!!!!!.
Que teñamos todos e todas unhas vacacións estupendas!!!

As fotos non son do día de hoxe pero elexinnas porque parécenme perfectas para despedir o curso.

ROTEIRO POLAS PONTES

2011-06-20T16:18:00.000-07:00

Dende os departamentos de AMA, Museo e E.F. organizamos unha camiñata pola nosa vila. Desta maneira fomos o alumnado de 1º e 2º ciclo de primaria xunto con sete mestres e acompañados dunha policía local nos tramos que van dende o cole ata a ponte de Isabel II. A idea era coñecer un pouco do que temos no noso pobo e así puidemos escoitar, por parte de José Mª, información moi interesante sobre hórreos, cruceiros e pontes. Igualmente houbo unhas pinceladas sobre a vexetación que hai no entorno destes monumentos. Andivemos cerca de tres horas en total. Fixemos unha parada na Fraga, preto do Pavillón. Alí merendamos e xogamos un bo anaco. De volta nas aulas comentábamos o interesante que resultou esta actividade.

EXCURSIÓN FIN DE CURSO

2011-06-07T08:33:00.000-07:00

Este martes fomos de excursión toda a primaria do noso centro. Saímos ás 9 e cuarto e voltamos ás 8 da tarde. Foi unha xornada na que disfrutamos de varias actividades e que resultou moi completa para todos os que nela participamos.
O noso curso fixemos a viaxe nun microbús que nos levou primeiriño ata Burela onde puidemos ver o Barco Museo. Trátase dun vello barco boniteiro de madeira que agora está atracado no porto para que poda ser visitado por quen queira. Había un rapaz que explicaba de maravilla todo o que alí había. Logo fomos ata San Cibrao para ver e oir o que nos contaron no Museo do Mar. Outra visita ben interesante.
O xantar fixémolo no parque de Cantarrana, en Viveiro. Alí estivemos máis de dúas horas xa que comimos tranquilamente e con bo apetito, e tamén xogamos un bo anaco a varios xogos.
Antes de voltar para As Pontes fomos ata o eucaliptal de Chavín. É este un lugar con moita paz e onde un pode percibir a natureza en estado puro. A verdade é que entre o mar e o río non hai máis que pedir.
Foi unha experiencia ben bonita.

LUGARES SENLLEIROS

2011-06-07T01:48:00.000-07:00

Disfrutade con estes vídeos. Son lugares dos que nós xa disfrutamos este martes na excursión da que falamos na outra entrada deste blog.

Eucaliptal de Chavín

Museo do Mar en San Cibrao

ACTIVIDADE MUSICAL

2011-06-06T14:01:00.000-07:00

Hoxe tivemos a visita de Andy, que é profesora de iniciación á música no Conservatorio das Pontes, na aula de música do noso cole e na compañía de Marita, que é a nosa profe de música. Primeiro estivemos o alumnado de 2º e logo foron os de 3º e 4º. Tratábase de ver a música como algo divertido e así nolo fixo ver con algún xogo no que participamos todos. Rematou cantando dous fermosos contos titulados: "Alarma en la jungla" e "Por si no te lo he dicho". Foi unha experiencia moi divertida e na que aprendimos cousas ben chulis!!!!!!!!! Moitas grazas, Andy e volta cando queiras!!!!!!!!!

DÍA MUNDIAL DO MEDIO AMBIENTE

2011-06-05T00:04:00.000-07:00

Sobran palabras, chegan as imaxes.
ACTUEMOS XA!!!!!!!!!!
Non chega co 5 de xuño, o ano ten 365 días. Cada un deles fagamos algo polo noso planeta,pola nosa vida. É imprescindible.

FESTA VOZ NATURA

2011-06-04T03:06:00.000-07:00

Hoxe celebrouse, como tódolos anos, a festa conxunta de todos os coles e asocicacións que participan no programa medioambiental de voz natura. Foi no parque de Culleredo e o grupo de pais, nais, alumnos/as e mestras disfrutamos dun estupendo día de bo tempo e de moitas actividades, das que os peques gozaron moito máis.

PLANTACIÓN NO BAÑAL

2011-05-26T16:35:00.000-07:00

Hoxe fomos ata o Bañal para continuar conformando a área recreativa que queremos conseguir. Eran 75 alumnos de infantil e 1º ciclo de primaria acompañados de 9 mestres. A actividade consistiu en plantar sobre 200 buxos facendo o contorno da nosa tartaruga coa idea de facer un labirinto. Logo de plantar houbo que regar e ir ata o pozo a encher as regadeiras. Co traballo ben feito xa puidemos merendar e xogar a diferentes xogos, incluso pasear. Que gusto daba ver o Bañal cheo de pequenos xogando e disfrutando dunha xornada na natureza!!! Agradecementos a tod@s que participaron nesta actividade ao aire libre!!!!!!!!!

17 DE MAIO: LETRAS GALEGAS

2011-05-17T00:25:00.000-07:00

A homenaxe á nosa lingua, personifícase este ano na figura literaria de Lois Pereiro.
Foi este un poeta da nosa terra que, aínda que nos deixou moi novo, a súa pegada é moi importante.
Soamente dicir que o que ven de seguido, estou segura que Lois opinaría o mesmo.

DEBUXAMOS A PRIMAVERA

2011-05-13T10:02:00.000-07:00

Hoxe baixamos ata o patio na hora de plástica. E xa é o 2º venres. Facía tan bo tempo que levamos o traballo para fóra da aula. Fixemos un debuxo da vexetación que temos no recinto do noso cole para apreciar o fermosa que resulta a estación da primavera. Este traballo xa é o 2º día que o facemos, xa que o venres anterior xa baixamos para empezalo.
Tamén comezamos a facer, cada un de nós, un dos debuxos que compoñen a historia de Lois Pereiro para rematar facendo un libriño sobre este escritor na vindeira semana.

FESTIVAL LETRAS GALEGAS

2011-05-12T09:45:00.000-07:00

Este xoves celebramos, no cine Alovi, o festival das Letras Galegas.
Sabemos que o escritor homenaxeado este ano é Lois Pereiro. por tal motivo o mural que encabezaba o acto, estaba adicado a este autor.
Xuntámonos todos os cursos de infantil e primaria do noso cole e cada quen representou as cancións, bailes, obras, presentacións, graduación de 5 anos, entrega de premios dos concursos de Reciclado e Letras Galegas, como mellor soubemos, logo dos ensaios que lle adicamos estas semanas anteriores.
Estivemos acompañados de todo o profesorado e de pais, nais e familiares dos nenos e nenas.
Resultou un acto ben chuli e ben completo.
A nós tocounos bailar unha peza do Xabarín titulada: "Prefiro bailar twist", que o fixemos coa clase de 1º. A verdade é que era moi divertida e que quedamos satisfeitos. Esperamos que tamén gustara a todo o público, xa que foi bailada con todo o cariño. GRAZAS A TOD@S!!!!

TRABALLOS DE RECICLADO

2011-05-09T15:18:00.000-07:00

Este ano tocaba facer traballos para o 12º concurso de reciclado que convoca a A.M.A.
Cada un dos nenos e nenas de 2º fixeron traballos ben fermosos coa colaboración das familias.

Ao mesmo tempo e na nosa aula, elaboramos un móbil da primavera. Para elo fixemos cada un unha bolboreta con envases de iogures bebibles. O resultado quedou moi chuli.

CONCURSO BOLIQUEIRAS

2011-05-06T15:02:00.000-07:00

Este ano voltamos a participar, como todos os anos, neste concurso que convoca A Mesa pola Normalización Lingüística xunto co Concello. Faise coincidir por estas datas que conmemoramos as Letras Galegas. Este ano o tema era "Castelao, 125 anos do seu nacemento".
O noso traballo tiña que ver co Castelao debuxante. Traballamos cos seus debuxos aos que lles demos cor e puxemos textos inventados por nós. Titulámolo " A primavera de Castelao".
Este venres fomos a recoller o 5º premio na nosa categoría. O acto foi no Alovi e alí disfrutamos dunha contacontos e de todos e todas os compañeiros que alí había.
A foto recolle o momento de recoller o premio por parte de: Antía, Elia, Carmen e Eyob.

OUTRO DÍA NO HORTO

2011-05-05T09:31:00.000-07:00

Esta vez tocou sementar unhas poucas patacas. Tamén plantamos o que trouxemos das nosas casas como algún tomate, pemento, amorodos, cebolín, calabacín.
Aínda queda por plantar outras verduras que o faremos para a vindeira semana. A intención é que cando voltemos en setembro teñamos algo de produto para facer unha colleita de verduriñas da nosa horta.

DÍA DO LIBRO

2011-04-28T14:51:00.000-07:00

Como todos os anos, o sábado 23 de abril, adícase a conmemorar a festividade do libro. Ese día estabamos de vacacións, por iso este xoves tocounos a nós irlles a ler un libriño aos nenos e nenas de 3º da E.S.O. A actividade foi na biblioteca e o noso libro titulábase " Carlota, a marmota". Nós tamén escoitamos unha fermosa historia das bocas destes nenos.
Resultou moi interesante!!!!

ACTIVIDADES NO HORTO

2011-04-08T13:40:00.000-07:00

Esta semana fomos dúas xornadas ata o viveiro e o horto. Quixemos ver como estaban os nabos e xa comprobamos que estaban todos floreados e a súa imaxe tan alta e amarela case impresionaba.
No viveiro recheamos con terra dous testos grandes e alí deixamos a semente de lentellas e dos pementos. Aproveitamos para facer unha pequena limpeza do entorno.

Outro día fomos a retirar a planta floreada dos nabos e comezamos a retirar o compost do composteiro, que xa está cheo para a boar o noso horto

CONVIVENCIA CO AUTISMO

2011-04-06T14:33:00.000-07:00

Este mércores houbo unha xuntanza na biblioteca do noso centro, na que nos xuntamos o alumnado de infantil e 1º ciclo por un lado e nenos e nenas do centro de ASPANAES cos seus coidadores polo outro. Durante case dúas horas compartimos vivencias moi enriquecedoras. Vimos un par de vídeos nos que puidemos ver historias de nenos con autismo. Logo no pavillón organizouse un circuito de xogos onde participamos todos e todas. Ao remate houbo medallas para todos e o concello agasallou cunha camiseta. Dende logo hai que repetir a experiencia, xa que saímos todos moi contentos!!!!

VISITAMOS O LABORATORIO

2011-03-24T13:26:00.000-07:00

Este xoves achegámonos ata o laboratorio que hai en secundaria e alí fomos moi ben atendidos polos tres alumnos de bioloxía, Diego, Rubén e Mickael, xunto coa súa profe, Carmen. A todos eles lles damos as grazas xa que aprendimos moito cuns experimentos que nos gustaron moito.

DÍA MUNDIAL DA AUGA

2011-03-22T15:08:00.000-07:00

DÍA MUNDIAL DA AUGA

O día 22 de marzo conmemórase o Día Mundial da Auga. No noso cole , e seguindo coa celebración de datas do calendario medioambiental, adicamos ese día a actividades relacionadas con este tema. Coa nosa humilde contribución, coidamos que o alumnado que pasou polos obradoiros que se realizaron na biblioteca durante toda a mañá, quedouse cunha aprendizaxe útil para a súa vida, ao mesmo tempo que divertida.

As actividades desenroladas foron: un vídeo duns 3 minutos con animacións sobre a importancia da auga, un xogo con música para formar a molécula de auga ( 2 H e 1 O), Catro experimentos que eran: Condensación, pompas de xabrón, densidade e flotación, brúxula e pozo de barrena. Na propia biblioteca había unha exposición de fotos onde se apreciaba a secuencia completa da formación do Lago das Pontes e un mural sobre o ciclo da auga feito pola clase de 5º.

Toda a mañá foron pasando, por grupos, o alumnado de infantil e primaria. A responsable de que todo esto saíra tan ben foi a mestra de infantil, Oliva, que estivo secundada polos nenos de 3 anos que fixeron un papel de científicos la mar de logrado.Todos os titores formos colaborando a medida que iban pasando os cursos correspondentes.

DÍA MUNDIAL DA AUGA

2011-03-22T00:14:00.000-07:00

Sen auga non habería vida.
Coidémola!!!!!!!.
Hoxe e todos os días do ano.

ACTIVIDADES POLO DÍA DA MULLER

2011-03-14T15:04:00.000-07:00

Hoxe tivemos uns obradoiros impartidos por dúas monitoras do concello. Fixeron unha serie de xogos nos que se vían os diferentes papeis que teñen asignados homes e mulleres. A verdade é que foi interesante ver algunhas respostas que daban, sobre todo nenos e nenas moi pequenos.

DISFRAZÁMONOS E DIVERTÍMONOS!!!!!!!!!!!!

2011-03-04T13:27:00.000-08:00

Este venres era o día de celebrar no cole o día grande de entroido. O alumnado de infantil e primaria vestímonos facendo referencia aos pobos do mundo. Desta maneira xuntáronse: indios, chinos, brasileiros e mexicanos.
O noso disfraz era de chiniños e chiniñas. Andivemos moi atarefados toda a semana. Pero xa veredes que logo de rematar gorros coa súa trenza, corear os abanos, rematar dragóns e faroliños e maquillarnos o resultado foi ben chuli. Temos que agradecer a axuda de Carmen, a mamá de Silvia, que nos botou unha man coa maquillaxe e vestindo os traxes.
Pasámolo ben comendo orellas, freixós e zumes e logo cantando e bailando no pavillón con todo o colexio.
Agora toca pasalo moi ben estes días de entroido que temos libres para disfrutalos a tope.

ENTROIDO 2011

2011-02-25T15:26:00.000-08:00

Xa estamos ás portas dunha nova edición do Entroido. Este ano decidimos disfrazarnos de chiniñas e chiniños. Hai unha semana que andamos cos preparativos e por iso xa estivemos cosendo as nosas casacas verdes e coreando abanos e dragóns, así como facendo faroliños. Tamén hai que decir que contamos coa colaboración estupenda dos pais e nais para rematar de coser os nosos traxes. Imos aprender cousas moi interesantes dese país tan grande que se chama China. Xa vos iremos contando.

APRENDEMOS NA AULA DE INFORMÁTICA

2011-02-15T13:55:00.000-08:00

Quixemos iniciarnos no mundo da informática e por iso levamos dúas semanas adicándolle unha sesión do martes a visitar e argallar coas novas tecnoloxías. Imos ir pouco a pouco pero adentrándonos cada vez un pouquiño máis.
Comezamos por buscar direccións que temos moi preto como foron a páxina do noso centro e a do noso concello.
Tamén miramos como poñer comentarios nun blog, así como practicar con xogos didácticos que hai en varias páxinas.
Xa vos seguiremos contando!
Mirade nestas fotos que ensimismados estamos!.

CONMEMORAMOS O DÍA DA PAZ

2011-01-28T15:00:00.000-08:00

Este venres rematouse de facer o puzzle da pomba da paz. Foi un traballo conxunto de todas as titorías de infantil e primaria. Nela quixemos reflexar dous aspectos moi importantes na educación. Trátase de utilizar na súa composición diverso material de refugallo, desa maneira facemos fincapé no concepto de reciclado-reutilización. Ao mesmo tempo obtivemos un resultado de unidade global na figura simbólica da "pomba de Picasso", tema do día de hoxe. O resultado final pódese ver no patio do centro e podemos decir que quedou ben chulo. Tamén cantamos unhas cancións en catro idiomas co tema da Paz como fundamento.

TRABALLEMOS A PAZ TODOS OS DÍAS DO ANO !!!!!!!!!!!!!!!!!!

DÍA MUNDIAL DA EDUCACIÓN AMBIENTAL

2011-01-26T14:48:00.000-08:00

Fixéronse obradoiros nalgunhas clases. A educadora era Marga que pertence a ADEGA.
Tratábase de varios xogos cooperativos nos que a temática era a concienciación na correcta separación dos refugallos nos seus contedores correspondentes.
Nós, xunto co alumnado de 1º, estivemos no pavillón facendo o xogo de "separar o lixo". A verdade é que aprendimos moito, logo de fallar algunha vez. Foi divertido e didáctico ao mesmo tempo.

DÍA MUNDIAL DA EDUCACIÓN AMBIENTAL

2011-01-26T00:02:00.000-08:00

Hoxe conmemórase, en todo o Planeta, o día da Educación Ambiental. A verdade é que sobre esto habería moito que decir, pero sobre todo "moito que facer". Coido que dende as escolas podemos aportar moitísimo e xa non só no día de hoxe. Fagamos palpable que no noso centro temos unha A.M.A.(Aula de Medio Ambiente) e demostremos que a concienciación medioambiental está presente en todo o que facemos.
Está ben que existan días para lembrar o noso amor pola natureza limpa e libre pero estaría mellor que non houbera que conmemorar días soltos no ano para algo tan vital.

DEPORTE ESCOLAR NA FRAGA

2011-01-21T15:28:00.000-08:00

Esta mañá de venres, desafiando o vento e o frío, baixamos ata a Fraga. O motivo era facer unhas competicións de campo a través entre todos os escolares de primaria da nosa localidade. Fomos o alumnado dende 2º ata 6º de primaria dos coles Santa Mª, A Fraga e o Monte Caxado, xunto cos seus titores e Pablo, profe de E.F.
Foi unha xornada na que, a parte da actividade deportiva que disfrutamos, destacou o frío intenso que facía.
Noraboa a tod@s por participar e doble felicitación a aqueles que obtiveron medalla.

PRODUCTOS DO NOSO HORTO

2011-01-14T14:28:00.000-08:00

No día de onte visitamos o horto e o viveiro para ver como estaba todo, logo de tantos días sen ilo ver. Comprobamos que as nabizas xa medraran pero estaban moi xuntas. Decidimos recoller un bo montonciño e propúxenlles facer un caldo para o día seguinte. Quedamos en que traeríamos os ingredientes da casa ( non da tenda).
Foi así como fixemos unha actividade que tiña que ver co proxecto que estamos a traballar na aula. Ten que ver cos distintos tipos de alimentos, así como recuperar costumes dos nosos devanceiros.
E está claro que a receita do caldo galego cumple estas dúas premisas.
A verdade é que foi unha fermosa e saborosa experiencia.

Hai que dar de novo as grazas aos pais/nais por seguir a colaborar con nós.

BO NADAL!!!!!!!!!!!

2010-12-30T16:05:00.000-08:00

Os meus mellores desexos para todos vós. Que disfrutedes destas vacacións e que veñamos cheos de enerxía para o novo ano.

FESTIVAL DE NADAL

2010-12-22T16:21:00.000-08:00

No día de hoxe baixamos ata Dopeso para celebrar o festival de infantil e primaria. Houbo actuacións por parte de todos os cursos. Cantáronse varias panxoliñas, bailáronse algunhas delas e houbo recitado tamén. Grazas, como sempre, á nosa profe Marita que é na súa clase de música onde se ensaia e traballa a maior parte destas actuacións. Polo medio desas intervencións fomos intercalando a entrega de premios do calendario medioambiental 2011. E todo isto baixo a atenta mirada dun fermoso decorado que puxéramos o día anterior e do que foi artífice o mestre José Mª. Foi unha xornada entretida e divertida na que disfrutamos moito todos o que alí estivemos.

PINTURA DE LUIS SEOANE

2010-12-20T16:13:00.000-08:00

Unha das actividades deste mes foi a de compoñer un dos debuxos que forman o conxunto das pinturas que adornan o patio do centro. Nós fixemos a composición titulada "paxaros e sol".Traballamos todos e todas nel. Ao final saíu un cadro ben chuli. A nós gustounos moito!!!!!!!.

DÍA DOS BOSQUES AUTÓCTONOS: FRAGAS DO EUME

2010-11-26T14:54:00.000-08:00

Nesta semana adicamos dous días a escoitar a Roberto Hermida, membro da asociación medioambiental DROSERA, na nosa biblioteca.
Falounos dos bosques autóctonos, da súa importancia, da súa biodiversidade tanto vexetal como animal. Sabe moitísimo das nosas Fragas do Eume. Tamén do entorno do río Eume.
Veu o martes para estar con nenos e nenas de secundaria. O venres foron infantil e primeiro ás dez e media e de 11 a 12 horas fomos os cursos dende 2º a 6º.
Vimos unhas fotos preciosas e escoitámolo con moita atención.
Aprendimos moito.
Moitas grazas, Roberto, pola túa boa disposición para colaborar con nós!!!!!!!!!!!

DÍA DOS BOSQUES AUTÓCTONOS

2010-11-23T03:00:00.000-08:00

O Parque Natural das Fragas do Eume foi creado no ano 1.997, ten unha superficie de 9.125 Ha ., e abrangue os concellos de Cabanas, A Capela, Monfero, As Pontes e Pontedeume.

As fragas do río Eume son un dos últimos reductos representativos do que foi o bosque autóctono que cubría Galicia. Destacan pola súa biodiversidade, atopándose nelas ata 23 especies distintas de árbores, 21 de fentos , 250 de liques e brións, 100 de fungos e 126 de animais vertebrados (en moitos casos especies protexidas pola súa rareza ou escasez).

OS DEREITOS DA INFANCIA

2010-11-20T15:15:00.000-08:00

Non chega con adicarlle un día. Temos que facelo os 365 días de todos os anos.
ELES E ELAS NECESÍTANNOS!!!!!!!!!!!!!!!!

MAGOSTO

2010-11-12T08:17:00.000-08:00

Logo de rematar os nosos colares tocou baixar ao recreo, onde nos esperaban ricas castañas asadas e batidos de chocolate. Todo esto grazas aos membros da ANPA que sempre se preocupan de que esta festa saia tan apetitosa. Para rematar a xornada non podían faltar os xogos tradicionais. Fixémolos no patio e estiveron organizados polo noso profe Pablo e coa colaboración de todo o equipo de mestres de infantil e primaria. Tamén en Secundaria tiveron esta xornada con actividades preparadas para eles. Foi unha xornada moi divertida!!!!!!!!!!!!!!

MAGOSTO

2010-11-12T06:17:00.000-08:00

Este venres celebramos nas aulas e en todo o centro a festa da castaña. Nós comezamos cocendo algunhas, xa que non chegaran as que viñan cocidas das casas, para poder elaborar o noso colar de "zonchos". Esta é unha tradición dos nosos antergos. Consistía en facer colares logo de cocer as castañas con monda e poñéndolles unhas poliñas de fiúncho. Estábamos tod@s ben guap@s !!!!!!!

MENUD@S COCIÑEIR@S !!!!!!!!!!!!!!!

2010-11-05T14:32:00.000-07:00

Hoxe propuxémonos levar adiante unha actividade ben diferente. O libro propoñía unha receita dun biscoito que tiña moi boa pinta. Decidimos traer cada un de nós un ingrediente e, logo de xuntar todo o material puxémonos mans á obra. Total que acabamos comendo un rico biscoito feito polas nosas mans. E non vexades que boísimo estaba!!!!!.
Por se vos apetece facelo os ingredientes son: 4 ovos, 200 gr de nata, 200 gr de azucre, un sobre de levadura, 200 gr de fariña e unhas poucas uvas pasas.
E bo proveito!!!!!!!!!!!

DÍA DA CIENCIA EN GALEGO

2010-11-04T00:42:00.000-07:00

"A negación da existencia de ciencia en galego e de ciencia galega terá importantes consecuencias no futuro do país, xa que transmite a idea preconcibida dun pobo sen pasado, sen ciencia, dun pobo colonizado, incapaz de xerar cultura científica, de modo que o alumnado aprenda a resignarse a ser mera man de obra dos científicos doutros países", salienta este escrito.

"Que a lingua galega é un vehículo natural para a Ciencia amósase e demóstrase na gran cantidade de publicacións en lingua galega do profesorado de Ciencias galego", nos congresos, exposicións, concursos, obradoiros, proxectos de tecnoloxía como os recollidos na web da Asociación do Profesorado de Tecnoloxía de Galicia.

Nese día "reclamaremos que os galegos teñamos quen nos comunique as novas, quen nos dea conta dos últimos achados dunha forma rigorosa e crítica. Reclamamos a ciencia, o galego, e a Ciencia en Galego", engade.

O Día da Ciencia en Galego dedicarase a Afonso X, Ramón María Aller e James Clerk Maxwell. "A temática ben se pode agrupar arredor de Atopa o galego na Lúa ou Co galego chegamos á Lúa, xa que os tres homenaxeados teñen un cráter dedicado na Lúa: Atopar eses cráteres pode ser un dos exemplos de actividades nos que se dea a coñecer a imaxe de marca da Ciencia en galego: autoestima galega e poder da ciencia en galego. Un científico universal, Afonso X, que falaba galego, un dos grandes poetas galegos, ten merecidamente un cráter denominado Alphonsus polas súas contribucións á Ciencia europea mediante as traducións da ciencia árabe", afirma o documento.

"O cráter Aller-Atwood homenaxea un astrónomo que promove a modernización científica galega do seu tempo e funda o primeiro observatorio astronómico galego. A primeira Facultade de Ciencia galega é herdeira do seu labor", sinala

"James Clerk Maxwell é o noso modelo de científico galego futuro. Un científico universal, da nosa área atlántica, xenial como queremos que sexan os nosos novos científicos e as nosas novas científicas",

TEMPO DE OUTONO: COGUMELOS E SAMAÍN

2010-10-28T16:36:00.000-07:00

Ao longo destes días fixemos actividades relacionadas coa estación na que estamos. Entre elas trouxemos, cada un de nós, froitos desta época cos que fixemos unha exposición e logo degustamos, como no caso do día que asamos castañas das recollidas no patio.
Igualmente elaboramos un traballo de cogumelos feitos con masa moldeada que lle dimos cor e colocamos nunha máis grande formando un Carrusel de pequenos cogumelos. Este traballo presentámolo para o concurso que organiza o concello con ocasión de celebrar esta feira na nosa vila. Tamén coreamos e recortamos folliñas para completar o mural da entrada. Por último, este xoves, achegámonos ata a biblioteca para escoitar un fermoso conto "A bruxa Regañadentes", coa voz estupenda de Oliva e cunha biblioteca ambientada para a ocasión . Había un montón de cabazas decoradas na clase de inglés coa súa profe Angeles.
Gustounos moito e pasamos un rato divertido.

SEMENTAMOS CASTAÑAS

2010-10-18T15:39:00.000-07:00

Seguindo coas actividades de outono tocounos esta semana baixar ao viveiro para sementar as castañas que tiñamos xa apartadas para tal fin. Ese día coincidimos cos nenos e nenas de 4º e o seu mestre José Mª. Fixo un día estupendo de sol. Logo de encher os testos con terra e ter a castaña xa dentro decidimos levalas para a aula para coidalas ata que agromen e que podamos levalas para o viveiro .
Esperamos conseguir fermosos castiñeiros.

LECTURAS NA BIBLIOTECA

2010-10-07T15:20:00.000-07:00

Comezamos neste mes de outubro a adicarlle un día da semana a facer visitas á nosa biblioteca. Alí seguimos a divertirnos con todo o que podemos ler, observar, manipular e aprender.

Resulta unha actividade do máis completa porque parece, sempre que vamos, que non chega o tempo a nada.

SEMENTAMOS NABOS

2010-09-20T15:14:00.000-07:00

Neste mes tamén visitamos o viveiro e o horto. Neste último sementamos os nabos logo de preparar o terreo. Tivemos que regalo moito xa que a terra estaba moi seca. Agora toca esperar a que medren e que podamos facer un pouquiño caldo.

COMEZAMOS UN NOVO CURSO!!!!!!!!!!!!!!!!!

2010-09-13T00:09:00.000-07:00

Chegou setembro e con el remata o tempo de vacacións de verán. Xa estamos preparados para unha nova andaina. Coñecémonos tod@s e iso non debería de ser malo, de feito xa temos un pequeno treito adiantado con respecto a setembro do ano pasado.
Quero darvos a benvida a un curso de 2º que, estou segura, vai a ser unha estupenda experiencia para todos nós: nenas/os, pais, nais e mestres.
Eu estou moi ilusionada e con moitas ganas de que esto sexa así. Para elo conto coa colaboración de tod@s vós.
E agora van unhas fotos destes dous primeiros días na aula.

FIN DE CURSO

2010-06-21T12:33:00.000-07:00

Como remate deste curso houbo este luns varias actividades. A 1ª foi unha merenda na cafetería do cole que compartimos coa clase de 2º .Estaba todo moi rico!!!!!!!!!!
Logo do recreo houbo un festival de música e baile no pavillón . Participamos todos os cursos e pasámolo moi ben.

Vémonos en setembro!!!!!!!!!
Boas vacacións e feliz verán!!!!!!!!!!!!!!

EXCURSIÓN DE FIN DE CURSO

2010-06-18T12:22:00.000-07:00

Este venres fixemos a última saída deste curso e tamén a máis longa. Fomos os cursos de 1º e 2º xunto coas titoras e Blanca e Marga que nos acompañaron. O día estivo moi bo e aproveitámolo ben.
Saímos cara a Santiago ás 9 e media da mañá e o primeiro foi facer uns obradoiros de consumo cunhas monitoras moi simpáticas que nos ensinaron cousas moi interesantes sobre protección nos diferentes traballos e saúde no traballo.
Logo o autobús levounos ata a Alameda para xantar alí á sombriña das árbores. Ao rematar camiñamos un cachiño ata a Praza do Obradoiro onde estivemos contemplando a fermosura da Catedral.

Outra actividade programada foi a visita á MUPEGA onde un guía moi agradable amosounos as diferentes dependencias. Gustounos moito todo pero sobre todo ver como era unha escola dos nosos antergos e os xogos e xoguetes que había daquelas. A verdade é que nós xa non nos sorprendeu tanto como a nenos de outros coles xa que xogamos coa vantaxe de ter no noso Centro un estupendo Museo Etnográfico.
E como colofón deste día tan xenial fomos en autobús ata o Monte do Gozo. Alí merendamos e xogamos no parque.

FOI O NOSO PARTICULAR ANO XACOBEO!!!!!!!!!!!!!!!

QUE RICA MERENDA!!!!!!!!!!!!!

2010-06-16T15:57:00.000-07:00

Hoxe ocorreusenos traer a algúns de nós froitas variadas e chocolate para derretir. A verdade é que resultou unha boa idea. Os cachiños de froita mollados en chocolate quente estaban deliciosos!!!!!!!!!.
Hai que repetir outro día!!!!!!!!

DÍA MUNDIAL DO MEDIO AMBIENTE E VOZ NATURA

2010-06-05T16:09:00.000-07:00

Que mellor día que hoxe para coincidir a festa de Voz Natura co día Mundial do Medio Ambiente.
Como vimos facendo todos estes anos, un grupo de mestras, de alumn@s e pais/ nais fomos pasar esta xornada de sábado a Culleredo . É alí onde se celebra a festa de remate de curso para os centros que participaron neste programa medioambiental. Estivo todo moi ben pero sobre todo o disfrute foi para os máis pequenos que son os protagonistas de verdade. Moitas grazas a todos os que participaron este sábado desta festa nun día tan sinalado como é o 5 de xuño!!!!!!!!!!!!!

CONCERTO AO AIRE LIBRE

2010-06-04T15:59:00.000-07:00

Case todos estabamos alí. Foi esta mañá, na Praza Vermella, que o Conservatorio seguindo co seu 20º anversario, oraganizou xunto coas mestras de música dos coles un concerto que quedou ben bonito. Disfrutamos escoitando boa música e vendo unha obriña de teatro interpretado por varios compañeros do noso colexio.
Felicidades a todos e todas por facelo tan ben!!!!!!!!!!

MÚSICA, MAESTRO!!!!!!!!!!!!!!!!!!!!!

2010-05-28T15:43:00.000-07:00

A última hora da mañá tivemos unha actividade ben chula na nosa clase. Visitounos Ribeira e José Mª ( pai da nosa compi Antía) para amenizarnos con música e baile da nosa terra. Trouxeron instrumentos como a gaita, frauta, pandeiro, tamboril, cunchas,..... Tocaron varias pezas e puidemos acompañar cantando, tocando palmas e ata bailando. Participou con eles Antía que o fixo moi ben. Estiveron con nós os compis de 2º coa súa titora e tamén a profe Fina F.
Disfrutamos moitísimo e gustaríanos que viñeran cando quixeran.
Moitísimas grazas por vir e facelo tan ben!!!!!!!!!!!!!!!!!!!!!

SUSO CUBEIRO E OS SEUS DEBUXOS

2010-05-25T15:18:00.000-07:00

Na mañá de hoxe veunos visitar o ilustrador de libros, Suso Cubeiro. Non é a primeira vez que ven ao noso cole e sempre que o fai déixanos engaiolados co seu bo facer con fermosos debuxos. Foi cerca dunha hora e estiveron acompañándonos na nosa aula o alumnado de 5 anos e o de 2º xunto coas súas titoras.
Moitas grazas por facer tan sinxelo o arte de debuxar e pintar e por deixarnos unha mostra do teu bo facer con ese dinosaurio!!!!!

ROTEIRO POLA DESEMBOCADURA DO RÍO SOR

2010-05-24T00:40:00.000-07:00

Esta mañá de luns fixemos unha camiñata de algo máis de unha hora por un tramo das Ribeiras do Sor: dende Negradas ata O Barqueiro. Fomos catro cursos de primaria (1º, 2º, 3º e 4º) con catro mestres. Tamén nos acompañou Noelia como nai de David.
Esta actividade fixémola aproveitando a data do calendario medioambiental que adica este día ao Día Europeo dos Parques Naturais e que xa tíñamos programada dende AMA e o Departamento de E.F. de primaria.Hai que lembrar que as Ribeiras do Sor están declaradas como Espazo Natural Protexido.
Tivemos un tempo estupendo con moita calor e a experiencia de pasear entre a natureza mezclando río, mar, bosque, rural, pobo mariñeiro e ganas de ver e aprender cousas diferentes foi moi positiva.
A verdade é que cando chegamos ao porto do Barqueiro xa había ganas de descansar e de tomar un tentempé. Está claro que todos e todas foron uns campeóns xa que fixemos o traxecto en algo menos de tempo do previsto.
Quedaron ganas de voltar a facer un novo roteiro para o vindeiro curso!!!!!!!!!!!!!

Esforcémonos todos e todas en poñer en valor a fermosa natureza da que estamos rodeados.

DÍA EUROPEO DOS PARQUES NATURAIS

2010-05-24T00:32:00.000-07:00

Este día celébrase en toda Europa, en conmemoración da creación dos primeiros parques de Suecia no mesmo día do ano de 1909.

Cada ano hai varias actividades nas áreas protexidas do continente para facer fincapé nos valores naturais e culturais e para dar a coñecer a importancia de protexer esas áreas.

SEMANA DAS LETRAS GALEGAS: CERTAME "AS BOLIQUEIRAS"

2010-05-21T16:08:00.000-07:00

Este venres foi a entrega de premios do III Certame das Boliqueiras. Nós presentamos un traballo que tiña que ver co tema proposto "divírtome coa lingua" e que levaba por título " Adiviñas da primavera". Fomos case toda a clase a recoller o 2º premio que nos deron na nosa categoría.
O acto estivo moi completo, veuno a presentar o escritor e mestre Antón Cortizas que tamén entregou todos os premios. Foi amenizando esta entrega con adiviñas ben graciosas.
Do noso cole tamén estaban nenos e nenas de outras dúas clases que resultaron igualmente premiadas e eran a de 2º de primaria e a de 5 anos de infantil xunto coas profes Oliva, Marita e Marga. Igualmente houbo un premio para un alumno de secundaria do noso cole.
Como remate deste acto puidemos ver unha obra de teatro titulada " Contos mariñeiros"que resultou moi entretida.
A verdade é que disfrutamos dun acto de recoñecemento da nosa lingua que mereceu a pena estar nel.
Moitas grazas a todos: alumnos, alumnas, pais e nais que se pasaron polo cine Alovi este venres.

SEMANA LETRAS GALEGAS : EXPOSICIÓN E OBRADOIROS

2010-05-20T15:29:00.000-07:00

O xoves fomos ver unha exposición de artesanía no Mercado Vello promovida pola

Asociación de Artesáns do Eume na que vinculan ao poeta do Courel, Uxío Novoneyra, coa artesanía.

A exposición xira arredor da figura do homenaxeado, relacionando os seus poemas coas pezas dos artesáns nunha dualidade poesía-artesanía e abarca todo tipo de técnicas (pirogravado, torneado, talla de madeira, encaixe,...) e materiais (pedra, madeira, tecidos...).

Participamos nesta actividade o alumnado do 1º ciclo de primaria. Resultou moi didáctica, divertida e entretida. Puidemos elaborar unha flor reutilizando papeis de xornal e facer o noso nome nunha peciña de madeira por medio do pirogravado.Tamén agasallaron co libro recén presentado “Manuel na feira de artesanía”. Trátase dun conto infantil feito pola artesá Lourdes Acera.

Estivo todo xenial. Moitas grazas a todos estes artesáns pola paciencia e adicación.

SEMANA DAS LETRAS GALEGAS: TEATRO

2010-05-19T14:59:00.000-07:00

Foron moitas as actividades que fixeron referencia a este tema e que desenrolamos esta semana.
Comezamos asistindo, este martes, a unha entretida obra de teatro no Alovi titulada "Dos pallasos en apuros" e que estaba promovida pola ANPA do noso centro. Foi moi divertida . Nela puidemos ver un Quijote e Sancho un tanto especiais, tamén representaron a un Guillermo Tell con moi pouca puntería e rematamos vendo unha parella de dentistas con moi pouca mañá. A verdade é que o bo humor estivo ben servido.

UXÍO NOVONEYRA : POETA GALEGO

2010-05-17T00:30:00.000-07:00

Este ano adícase o 17 de maio ao poeta que dende o seu universo da montaña cantou a forza da galicia enteira.
É sumamente importante que esta homenaxe a este persoeiro sexa nun ano tan crítico para a nosa LINGUA, logo do seu poema "Letanía de Galicia".
É preciso que tod@s, galegos e galegas, recapitulemos co que está a pasar neste mundo de tanta incoerencia. Non sei o que será normal pero sí sei que, dende o ensino ( palabra ben fermosa, por certo) temos que facer a forza suficiente para que a nosa riqueza cultural, patrimonial, de sentemento, dos nosos antergos, dende o respeto, dende o amor, dende a tolerancia, dende a non permisividade, dende o profundo do noso ser.....sigamos mantendo VIVO o ben máis auténtico que é a nosa lingua : O GALEGO.
Fagámolo por xente como Uxío e tantos outros que traballaron en prol dela pero sobre todo fagámolo por nós mesmos e non perder a nosa verdadeira identidade.
Os nosos antergos merécenno e os nosos fillos igual.
NON O DEIXEMOS ESMORECER!!!!!!!!!!!!!!!!!!!!

17 DE MAIO EN COMPOSTELA

2010-05-17T00:22:00.000-07:00

Teño esperanza de que chegue un ano no que o de ir a Santiago un día coma hoxe sexa para dar un paseo, visitar unha cidade ben fermosa, verte cos amigos,...
Hoxe foi un día moi especial. A climatoloxía acertou de pleno e a Plaza do Obradoiro, emblemática onde as haxa, encheuse de xente que queremos a nosa lingua e que reclamamos que se lle dé a importancia e valía que se merece. Nen máis nen menos.
Estivo ben estar alí, pero como ben dicía Uxío Novoneyra, estaba moito mellor non ter que estar.

FESTIVAL DAS LETRAS GALEGAS

2010-05-14T15:10:00.000-07:00

Este xoves fixemos un festival con varias actuacións con motivo de exaltar a data das Letras Galegas.
O acto foi no Cine Alovi e alí fomos todo o colectivo de infantil e primaria do noso cole. Acompañáronnos moitos pais e nais.
A nosa clase de 1º actuamos cun baile moi movido que se chamaba "Move rock". Foi moi divertido ver as actuacións tan ben feitas que levaban todos os cursos.
Tamén esta mañá, pero na biblioteca do centro, fixemos entrega dos premios correspondentes ao Certame artístico literario co título "Aldeas das Pontes" e aos premiados no concurso de reciclado de AMA.

Move Rock from musicaxado on Vimeo.

PROXECTO : OS OFICIOS

2010-05-05T13:35:00.000-07:00

Este proxecto naceu como o estudo dun tema máis que estaba previsto na programación.
Cando na primeira asamblea falamos do que queríamos ser de maior e as actividades que compartíamos coa nosa familia na casa de cada un, vislumbrei que podía ser interesante convidar ás familias a pasarse pola aula para que nos contaran a súa particular experiencia e visión do seu traballo ou hobbies.
Eu saín enriquecida en todos os aspectos pero sobre todo vendo o felices que estaban os nenos e nenas, o ilusionados que estaban pais, nais, familiares ou amigos e o que aprendimos todos e todas con esta experiencia.
Moitas grazas a todos vós por ter participado neste proxecto de forma tan activa e que saibades que a nosa aula está aberta sempre que queirades.
Espero que todos estes adultos que se pasaron pola nosa clase de 1º disfrutaran tanto como nós.

Proxecto -Os oficios-

View more documents from CPI Monte Caxado.

RECEITAS QUE SE FIXERON NA AULA

PIZZA

INGREDIENTES
• 400 G de fariña
• 20 g levadura Royal.
• Sal
• Un pouco azucre
• Un vaso de auga morna
• Unha gota de aceite
• Tomate frito
• Xamón
• Queixo rilado ou mozzarella
• Papel albal

Misturar a fariña , levadura, o sal, o azucre, a auga e o aceeite nun bol. Deixar repousar a masa uns 30 minutos tapada cun pano húmido. Poñer papel naval nas bandexas do forno.

Estirar a masa, pinchar cun garfo, logo pintar con tomate frito; botarlle xamón e por último queixo rilado por enriza. Metela no forno durante 10 minutos a 200 graos.

ROSQUIÑAS

INGREDIENTES
• 2 ovos
• 1 sobre de Royal
• 100 g. de azucre
• Raiadura de limón
• Gotas de anís
• Un vaso de leite
• Medio vasiño de aceite
• Fariña a que admita

Vanse misturando na mesma orde en que están colocados os ingredientes.
Deixamos repousar unha horiña . Quentamos un cacharro con abundante
aceite. Imos collendo porcións pequenas de masa coas mans aceitadas e facemos unha boliña que furamos polo medio e botamos no aceite ben quente.
Sacámolas para un recipiente e espolvoreamos con azucre.

BO PROVEITO!!!!!!!!

PLANTACIÓN NO HORTO

2010-04-27T12:01:00.000-07:00

Con este bo tempo que nos está acompañando estes días decidimos baixar ata o noso horto para plantar variedade de productos.Neste caso foron berenxenas, pementos, sandías, cenouras, pepinos e amorodos. Temos que agradecer ao noso conserxe, José Antonio, a súa enorme axuda poñéndonos o horto en condicións para poder facer os regos ben dereitiños.
A verdade é que nos quedou ben chuli. Agora toca esperar que nos saia todo o que plantamos.
Temos que vixialo e regalo de vez en cando!!!!!!

LECTURA NA BIBLIOTECA

2010-04-23T14:20:00.000-07:00

Hoxe fixemos unha actividade diferente na biblioteca. Limos en voz alta o libro de "PÉTALA". Usamos o micrófono para que se nos escoitara ben e cada un de nós leu unha páxina.
Gustounos moito facer este tipo de lectura nun día tan sinalado como é "o día do libro".

DÍA DO LIBRO

2010-04-23T10:06:00.000-07:00

Hoxe, 23 de abril, día de San Xurxo, celébrase o día internacional do LIBRO. Está claro que un día non é nada para acadar a importancia que ten este obxecto que parece tan simple.
Pero quizás sirva para facer fincapé na grandeza que pode ter a lectura.
Sirve para cando estás triste, para que te podas informar, para facer voar o teu maxín, para adentrarte en moitos misterios, para rir , para soñar, para amar, para compartir secretos ou inquedanzas, para adornar a túa vida con fermosas historias, para cantar, para recitar sentementos, para lembrar tantas cousas, para viaxar sen sair do asento, para sentir o ruído silencioso de cando les á beira dun río manso....
Canta compañía nos pode facer !!!!!!!!!!!!!!!!!!!!!!!!!
NON DEIXEDES DE LER!!!!!!!!!!!
UN LIBRO É UN BO AMIGO!!!!!!!!!

22 DE ABRIL DÍA MUNDIAL DA TERRA

2010-04-22T00:29:00.000-07:00

Coñecemos as regras dos 3 "R" ?
R: reducir, reutilizar e reciclar

Reducir: Significa evitar mercar as cousas que logo se convertirán en lixo como residuos de envases, bolsas plásticas e embalaxes desbotables.

Reutilización: é tentar darlle un uso ao lixo antes de descartalo, por exemplo, forrar caixas, botellas ou latas e usalos para gardar cousas.

Reciclaxe: é a reutilización de materiais como papel ou vidro para a fabricación de novos produtos como cadernos, botellas, etc.

No noso centro facemos bastante fincapé nestas pautas a parte de que tentamos facer unha separación do lixo o máis correcta posible.
De tódolos xeitos queda moito camiño por andar pero coido que estamos en boa andaina.

COIDEMOS DO NOSO MEDIO!!!!!!!!!!
É UNHA OBRIGA DE TOD@S!!!!!!!!!!!!!

PLANTACIÓN NO BAÑAL

2010-04-22T00:20:00.000-07:00

Seguindo na línea de facer coincidir no calendario as datas conmemorativas do Medio Ambiente e xa que hoxe celébrase o día mundial da Terra, os cursos de 3º e 4º de ESO xunto con seis mestres, subimos ata o Bañal a facer unha plantación na zona do Parque das Delicias e repoñer algunhas árbores que xa estaban plantadas con anterioridade. Desta maneira plantouse: 3 árbores do amor, 2 cornus, 1 loureiro romano, 1 nogueira, 1 castiñeiro, 1 carballo, 3 teixos, 1 mazaira e 20 xestas híbridas de cores. O día, en canto á climatoloxía, non puido estar millor. Coido que pasamos unha hora disfrutando dun traballo ben feito.
GRAZAS A TOD@S POR PARTICIPAR DESTA FERMOSA ACTIVIDADE NO NOSO QUERIDO BAÑAL!!!!!!!!!!!!!!!!

TEATRO EN DOPESO "LUME"

2010-04-08T15:52:00.000-07:00

Este xoves fomos ver unha obriña de teatro en Dopeso un grupo de alumn@s do noso cole xunto con alumnado doutro cole da vila. Fomos os tres niveis de infantil e o 1º ciclo de primaria. A obra titulábase LUME e o comentario común sobre ela é que estivo xenial. Tanto o tema como a posta en escea como as compoñentes do grupo estivo todo perfecto.
A temática era medioambiental xa que trataba dun incendio que se produce nun bosque e que todos os animaliños únense para atallar ese lume.
Resultou moi curioso a maneira de elaborar eses animaliños e o resto de decorados xa que eran artiluxios reciclados cos que facían verdadeiras imitacións.
Veu estupendo para facer fincapé no noso concurso de reciclado que estamos estes días ultimando os nosos traballiños para presentar no concurso da nosa AMA.

XI CONCURSO DE RECICLADO

2010-04-05T13:25:00.000-07:00

Como temos ampliado o prazo de entrega de traballos para este certame tan noso ( o último día será o luns 12 de abril) quero propoñervos unha páxina ben chula da que se poden sacar moitas e boas ideas.
Ben sei que un bo número de nenos e nenas xa tedes rematado o voso reciclado pero para algúns que son máis rezagados aí vai unha pequena axuda. E que mellor manualidade que unhas primaverais bolboreta e arboriño.
ESPERO QUE PARTICIPEDES TOD@S!!!!!!!!!!!!!!!
E QUE TODA A COMUNIDADE PODA DISFRUTAR CONTEMPLANDO AS VOSAS FERMOSAS OBRAS!!!!!!!!!
Dende AMA o meu agradecemento a todos, adultos e peques, por facer que este certame sexa un éxito cada ano que pasa.

VISITA AO AQUARIUM FINISTERRAE

2010-03-23T15:19:00.000-07:00

Esta mañá de martes fomos de visita cinco clases do noso centro ao Aquarium Finisterrae da Coruña. Aproveitamos a iniciativa por parte de Voz Natura, xa que somos un dos centros que leva moitos anos participando deste Programa medio ambiental, e que tiñamos a entrada gratuita ao tempo que houbo monitoras que, por grupos, nos foron explicando e amosando algúns dos entresixos do que alí nos podemos atopar.
A viaxe durou toda a mañá e viñemos moi contentos de pasar por esa experiencia.
A nosa clase de 1º aprendimos moito e gustounos todo o que vimos. Será que o mundo mariño é tan misterioso coma relaxante!!!!!!.
Unha novidade é que o noso compañeiro David veu con nós e a súa cariña de ledicia xunto coa do resto de compis merece un BRAVO!!!!!!!.
Un bico para vós e as grazas a Pablo que nos acompañou.

ACTIVIDADES NO DÍA DA AUGA

2010-03-22T15:29:00.000-07:00

Dende AMA e seguindo a estela das adicatorias a temas relacionados coa natureza e o medio ambiente hoxe comezamos facendo uns experimentos sinxelos coa auga en compañía da clase de 2º e a súa titora. Foi moi divertido.

Logo do recreo e na biblioteca do centro tivemos a sorte de contar coa presenza de Marisol Souto que nos veu a falar do proceso de formación do lago das Pontes. Estivemos todo o colectivo de mestres e alumn@s e estivo superinteresante o que vimos e escoitamos. A verdade é que aprendimos moitas cousas que penso que son importantes para todos nós. MOITAS GRAZAS MARISOL!!!!

DÍA MUNDIAL DA AUGA: 22 DE MARZO

2010-03-22T00:05:00.000-07:00

ONU adica O Día Mundial da Auga, en 2010, a importanza da calidade da auga, a fin de demostrar que na xestión dos recursos hídricos a calidade dos recursos é tan importante como a cantidade.

Día Mundial da Auga 2010 é:
• Aumentar a concienciación sobre a conservación de ecosistemas sans e benestar humano, abordando os retos crecentes en relación á calidade da auga colocada á xestión deste recurso, e
• Dar maior importancia á cuestión da calidade da auga para instar aos gobernos, organizacións, comunidades e persoas en todo o mundo para actuar sobre esta cuestión e facer esforzos para evitar a contaminación, limpeza e rehabilitación, entre outros.

As actividades realizadas durante o Día Mundial da Auga, en 2010, terá como obxectivo transmitir mensaxes sobre a calidade da auga, os ecosistemas e o benestar humano.

PROXECTO: OS OFICIOS (1ª PARTE)

2010-03-20T16:05:00.000-07:00

Con motivo de estar traballando o tema dos oficios na nosa aula estamos facendo unha actividade ben bonita. Trátase de que cada día está vindo un pai ou nai de cada un de nós para explicarnos o que eles e elas queiran sobre os seus traballos.
Estes días tivemos varias visitas de pais/nais e tamén algún caso que non eran pais de nenos/as de 1º pero que estiveron igual de interesantes que os primeiros.
A todos mil gracias pola súa adicación e paciencia para contarnos tantas cousas e atendernos ás nosas preguntas.
Aprendimos moitísimo e queremos que veñades sempre que queirades.
Un bico enorme para todos/as vós.

Aquí vai unha pequena mostra desas visitas de pais/nais:

Esta outra montaxe refírese a outras dúas explicacións que estiveron moi interesantes. Agradecemos moitísimo a adicación de dúas persoas; unha delas e Xose o farmacéutico que é amigo de todos pero especialmente de Silvia e do profe responsable do Museo do noso cole, José Mª:

DÍA INTERNACIONAL DA MULLER : 8 DE MARZO

2010-03-08T00:02:00.000-08:00

Estaría ben que non fora un só día e que non fixera falla adicarllo en exclusiva ás mulleres.
SERÍA PERFECTO!!!!!

OBRADOIRO DE XABRÓN

2010-03-04T15:18:00.000-08:00

Este xoves fixemos unha actividade ben bonita na nosa aula. Transformamos boa parte do aceite usado que fomos traendo das nosas casas en xabrón.
Para elo contamos coa gran axuda da profe Blanca á que dende aquí lle damos as grazas.
Tamén queremos agradecer a visita da clase de 5 anos que viñeron a participar con nós xunto coa súa profe Oliva.
A maneira de facelo é a seguinte:bótamos nunha tina grande 7 litros de auga e lle disolvemos un kilo de sosa. Temos que deixar ventilar, coas ventás abertas, uns 15 minutos para que se vaian os gases (este apartado é mellor que o faga sempre un adulto). Logo lle mezclamos 7 litros dese aceite usado ( que se fora grasa de porco serían 6 kilos), un paquete de deterxente e unhas gotas de esencia olorosa (neste caso lle puxemos romeiro e eucalipto). Logo hai que darlle voltas cun pao alongado e sempre no mesmo sentido. Neste último paso participamos todos.
Hai que deixalo repousar unhas horas ata que vexamos que vale para cortalo e desa maneira xa teríamos os tacos de xabrón.

VISITAMOS O HORTO

2010-03-02T15:01:00.000-08:00

Logo de tantos días sen poder baixar ao patio por culpa do mal tempo, este martes fixemos unha pequena incursión polo noso viveiro para ver como estaban as nosas sementes. Comprobamos que aínda non tiñan trazas de sair. A verdade é que o tempo non lles axudou nada. Aproveitamos para voltar a sementar "bellotas" que nos trouxo Blanca de Córdoba.
A ver se agora que tamén mellorará o tempo, conseguimos que algunha delas poda prender e nos dé unha agradable sorpresa.

11º CONCURSO DE RECICLADO

2010-03-01T14:51:00.000-08:00

Dende aquí quero animar a toda a comunidade educativa que participe con ilusión e con gañas nesta nova edición do noso concurso de reciclado dende a AMA do noso centro.

11º CONCURSO DO RECICLADO “MONTE CAXADO

A aula de Medio Ambiente “Monte Caxado” convoca o 11º Concurso do Reciclado, coa finalidade de ir fornecendo ao colexio dos materiais mínimos para ir conformando un pequeno Museo do Reciclado.
Tendo iso en conta, as bases deste concurso serán as seguintes:
- Poden participar tódolos/as alumnos/as do centro.
- Os traballos poden presentarse de forma individual ou por parellas.
- A lingua usada será o Galego.
- Calquera traballo que se entregue para este concurso terá como condición imprescindible que fora realizado con materiais xa utilizados ou de refugallo. O tamaño máximo para os traballos será o seguinte: base de 60 por 30 cm, e altura de 30 cm.
- O deseño e tipo de traballo (cadros, esculturas, máquinas...) serán establecidos polos propios concursantes, evitando repeti-los modelos gañadores en anos anteriores.
- Haberá unha comisión avaliadora dos traballos, formada por persoas da Comunidade Educativa do Centro, que se encargará de dictaminar os premios, procurando no posible, e á vista dos traballos gañadores, agrupar os premios por idades, tipos de traballos ou outros criterios que se establezan nese momento. Esta comisión tamén poderá declarar os premios desertos. O seu dictame será inapelable.
- Os premios estableceranse a posteriori e dependerán das obras gañadoras, tendo en conta que sempre gardarán relación coa Natureza e que pretendemos que teñan a categoría de “grandes premios”.
- Os traballos poderán presentarse no colexio, cun sobre pechado que conteña os datos do autor ou autores, antes do día 6 de abril do 2010.
- Os traballos gañadores pasarán a ser propiedade do C.P.I. “Monte Caxado” e os non gañadores poderán retirarse do Centro nos quince días posteriores á resolución do concurso.

As Pontes, a 1 de marzo de 2010

LIBROS QUE AXUDAN

2010-02-15T05:43:00.000-08:00

Pensando en David e o seu entorno, ao igual que tod@s aqueles que precisan dun apoio especial.
Trátase dunha nova que escoitei onte na radio de voz da súa autora, Alicia Suárez.
Bravo por todas estas iniciativas que pretenden mellorar o xa difícil camiño destas persoas tan indefensas.

www.kalandraka.com

MAKAKIÑOS DÍA A DÍA é unha nova liña editorial
desta colección creada para achegar a lectura a
persoas con necesidades educativas especiais.
“Nicolás va de compras” e “Nicolás cocina sin fuego”
son guías complementarias que os apoian no camiño
para adquirir autonomía e autosatisfacción. Porque
“un pequeno paso de formiga pode converterse nun
paso de xigante”...
Coa guía de tendas visitarán establecimentos onde se
adquiren produtos de alimentación (froitería,
verdulería, carnicería, peixería, panadería-pastelería,
supermercado), prendas de vestir (tenda de roupa,
zapatería), obxectos de agasallo (xoguetería,
floristería, libraría) e espazos de ocio (cafetería). De
cada un amosa a lista de artigos que se poden
atopar.
Co libro de receitas poden preparar pratos sans,
nutritivos e saborosos, que se elaboran de xeito
sinxelo, sen ningún proceso de cocción: canapés,
sandwich e ensaladas para comer; brocheta de
froitas e macedonia; boliñas de coco, trufas de
chocolate, mousse de limón e xeado de plátano para
tomar de postre; bebidas como zume de laranxa,
batido de fresa e sorbete de melón. Tras repasar os
ingredientes e utensilios necesarios, e indicar o grao
de dificultade, descríbese o proceso de preparación.
Para gozar do ambiente áxil e dinámico da cociña,
entre sabores, cores e aromas.
Os textos adaptáronse á linguaxe de pictogramas
SPC, o sistema de comunicación utilizado polas
persoas con discapacidade intelectual, como autismo,
disfasia e outros trastornos do desenvolvemento.
Como novidade, as páxinas están encadernadas en
espiral para facilitar o uso destes libros, que inclúen
pegatinas, a modo de diccionario mímico, para que
os usuarios poidan amosalas cando fagan a compra
ou preparen as receitas culinarias.
MAKAKIÑOS é unha iniciativa pioneira da Asociación
BATA e KALANDRAKA para superar as barreiras da
incomunicación: libros “de fácil lectura” que buscan
maior concreción e comprensión a nivel escrito e
visual. A colección xa conta con adaptacións dos
contos tradicionais titulados “El conejo blanco”, “La
ratita presumida”, “Chivos chivones” e “El patito feo”.
NICOLÁS VA DE COMPRAS NICOLÁS COCINA SIN FUEGO
comunicacion@kalandraka.com | www.kalandraka.com

AMOR E AMIZADE

2010-02-14T07:50:00.000-08:00

Fermosa canción e vídeo.
Milladoiro e Ana Belén interpretan MORAIMA.
Non pode haber mellores paisaxes.

VENRES DE ENTROIDO

2010-02-12T13:18:00.000-08:00

Hoxe celebramos o festival de entroido no noso cole.Foron moitas as actividades que houbo ao longo da mañá e todas elas ben chulis.
Comezamos facendo obradoiros: xogos, baile, maquillaxe e plástica. Todas e todas pasaron por eles facendo grupos e mezclando idades. Así, todo o curso de 1º estivemos compartindo esas actividades cos peques de infantil.Lembramos que non estivo David estes días pero o noso cariño tamén para el.
Resultou moi divertido e así o fixemos ata as 11 e media que comezaron a repartir orellas e freixós xunto con batidos e augas. Desto encargouse a ANPA e igualmente axudaron nalgún dos obradoiros, como o de maquillaxe. A todos eses pais e nais o noso agradecemento máis sinceiro.
Como colofón, e logo do recreo, fomos ata o pavillón para asistir á entrega dos premios que dá Normalización Lingüística polo concurso de Cartas e Poemas de amor.
A nosa clase levou un dos agasallos colectivos por estar dentro das clases máis participativas e tamén houbo un premio individual que foi para Elia. A todos vós felicidades por participar e facelo tan ben.
Tamén escoitamos música e nós, xa na aula, rematamos as carautas e antefaces que tiñamos pendentes.
FELIZ ENTROIDO E DISFRUTADE MOITO!!!!!!!!!!!!

OBRADOIRO DE COCIÑA: FIXEMOS FREIXÓS

2010-02-11T09:45:00.000-08:00

RECEITA DOS NOSOS FREIXÓS: 3 ovos, 400 g. de leite, 200 g. de fariña, unhas gotas de aceite, un pelisco de sal, 100 g. de auga aromatizada.
A parte dos ingredientes precísase moitas ganas de facelos e bo apetito para comelos. Esto último case que había dabondo xa que non chegou a case nada. Pero queda pendente para outra data sen tardar moito.
Grazas aos profes que nos visitaron e que compartiron con nós un ratiño desa mañá.
Un bico para vós e outro para eles.

OBRADOIRO DE COSTURA COAS NAIS

2010-02-10T09:33:00.000-08:00

Seguindo coa elaboración dos nosos disfraces de hippies, contamos coa inestimable labor das nosas nais. Algunhas coseron nas súas casas e outras achegáronse ata a nosa aula. Compartimos máis de unha hora esa actividade conxunta nesta mañá de mércores.
Aproveitamos para sacar unhas fotos co seu permiso. Foi estupendo telas con nós mentres dábamos a nosa clase habitual.
A todas elas moitas grazas e podedes vir sempre que queirades!!!!!!!

O ENTROIDO ESTÁ AQUÍ

2010-02-05T14:43:00.000-08:00

Comezou febreiro e xa entramos de cheo nos preparativos para o entroido. Esta semana estivemos traballando nas teas que formarán parte do noso disfraz de hippi. Tamén coreamos os colgantes que imos levar. Mirade que ben cosemos os volantes dos nosos pantalóns!!!!!

DÍA DA PAZ

2010-01-30T14:11:00.000-08:00

O día de hoxe é coñecido como o Día Mundial Da Paz. Moito habería que falar sobre a cuestión de se ás cousas importantes da vida hai que adicarlles un día ao ano. Está clarísimo que non pero agora non é momento de filosofar.
En todos os coles celébrase o día escolar pola non violencia e dacordo a estes parámetros no noso colexio, e ao longo desta semana e máis especialmente durante o día de onte venres, viñemos facendo unha serie de actividades encamiñadas a resaltar a importancia desta data.
Na nosa aula cantamos cancións, coreamos e debuxamos pombas e fixemos un listado de palabras relacionadas co tema da Paz. Falamos de Mafalda e vimos parte das súas historias.Ó longo da mañá de onte tamén tivemos dúas visitas que gustaron moito que foron por parte de infantil. Primeiro viñeron a clase de tres aniños para darnos bicos e apertas e logo a clase de cinco anos para cantar unha canción que nós sabíamos e a cantamos con eles. Tamén foi organizado un mercadiño solidario con cousas que trouxemos da nosa casa para poder recaudar fondos que serán enviados ao pobo de Haiti.
Hai que dar as grazas a todos e todas que colaboraron nesta actividade.

Aquí tedes un grupiño de fotos do Mercadiño Solidario.

MAFALDA NA BIBLIOTECA

2010-01-28T16:02:00.000-08:00

Un tema de visita desta semana á biblioteca foi o coñecer a Mafalda e os seus libros xa que moitos e moitas non sabían quen era.
Gustoulles ver os seus libros e ete vídeo vai en lembranza de Paula que sei que lle vai gustar e igualmente a todos e todas que queremos a PAZ en todos os ámbitos da vida.

SEGUIMOS VISITANDO A BIBLIOTECA

2010-01-28T13:38:00.000-08:00

Esta semana voltamos a retomar o de ir un día á semana, polo menos, a nosa biblioteca. Dá gusto o chuli que está agora. Temos máis espazo, estamos moito máis cómodos tanto polos asentos novos como polo tipo de andeis onde están os libros. O dos asentos tamén é un dicir xa que algúns e algunhas aínda están máis a gusto polo chan. Mirade unhas fotiños deste último mércores. Como ese día non estaba David poñemos unha foto del deste luns dentro da aula.

DÍA DA EDUCACIÓN AMBIENTAL

2010-01-24T16:11:00.000-08:00

O 26 de xaneiro celébrase o Día da Educación Ambiental. O seu principal obxectivo é crear conciencia nas persoas e os gobernos, acerca da necesidade de participar na conservación e protección do noso medio ambiente, así como reverter os danos que ao longo dos séculos fixémoslle

A Educación Ambiental apareceu en 1972 coa Declaración de Estocolmo.Actualmente preténdese ensinar desde a natureza, utilizándoa como recurso educativo; hai que educar para mellorar e apreciar o ambiente; hai que presentar e aprender condutas correctas cara á contorna.

Trátase da concepción da natureza non como fonte inesgotable de recursos ao noso servizo, senón como un ecosistema fráxil que ten as súas propias esixencias que hai que respectar polo noso interese e supervivencia.

ACTIVIDADES NO NADAL

2009-12-31T02:36:00.000-08:00

Antes de dar por rematado o ano 2009 quero que vexades algunhas fotos nas que saímos ben guapos e guapas.
Noraboa a tod@s por ter feito esa obriña titulada "O boneco de neve" e que quedou ben chula.

O boneco de neve from CPI Monte Caxado on Vimeo.

NADAL E VACACIÓNS

2009-12-23T02:24:00.000-08:00

O día de onte foi a culminación de todas as actividades que viñemos facendo ao longo deste mes e medio. Na clase de 1º fixemos estreliñas para adornar o corredor, xunto coa clase de 2º, tamén coreamos distintos tipos de postais e elaboramos un "papá noel" reciclado cun CD inservible que facía de cariña. Con patróns feitos en cartolinas e cun pouco algodón quedounos un traballo ben chuli!!!!!!.
Cantamos panxoliñas e ensaiamos unha obriña de teatro titulada " O boneco de neve" cos nosos compis de 2º e a súa mestra Loli. A verdade é que nos quedou ben bonita cando a representamos no Festival que celebramos na Casa Dopeso.
Na seguinte entrada irán algunhas fotiñas do que aquí vos conto.

BO NADAL E FELICES VACACIÓNS!!!!!!!!!!!!!!!!!!!!!!!!!

DÍA MUNDIAL DOS DEREITOS DA INFANCIA

2009-11-20T08:53:00.001-08:00

Non vale que sexa un día do ano.TEÑEN QUE SER OS 365 DÍAS DE TODO O ANO.
FAGÁMOLO POR EL@S.
NECESÍTANNOS.

CELEBRAMOS O MAGOSTO

2009-11-11T08:44:00.000-08:00

Esta mañá celebramos o Magosto no noso cole. Na clase falamos do tema e fixemos un cucurucho con papel reciclado que logo decoramos para poder gardar as castañas.
Sobre as once e media baixamos ao patio e, por orde, fomos collendo castañas e bebida (zume ou auga) que repartían pais e nais de moi boa gana ( dende aquí queremos agradecerlle que o fixeran).
Logo de disfrutar das saborosas castañas, no intervalo do recreo, puidemos completar a xornada con xogos populares organizados polo mestre de E.F., Carlos. Xogamos ao soga-tira, á rá, ás chapas, aos bolos, cos sacos...
Pasámolo moi ben!!!!!!!

DISFRUTAMOS DO OUTONO

2009-10-30T16:29:00.000-07:00

ESTAS DÚAS SEMANAS ESTIVEMOS ADICADOS A VARIAS ACTIVIDADES RELACIONADAS COA ESTACIÓN DO OUTONO. EN PLÁSTICA TRABALLAMOS SOBRE O COGUMELO E PRESENTAMOS UN CENTRO PARA O CONCURSO QUE CONVOCA O CONCELLO CON OCASIÓN DA FEIRA DE FUNGOS E COGUMELOS QUE SE CELEBRA NA NOSA VILA O DÍA 1 DE NOVEMBRO DE TODOS OS ANOS.
TAMÉN VISITAMOS UNHA EXPOSICIÓN QUE HABÍA NO PAVILLÓN DE SECUNDARIA. TRATÁBASE DE UNHA SERIE DE COGUMELOS QUE FORON A RECOLLER OS ALUMNOS MAIORES AOS MONTES DA NOS VILA

POR ÚLTIMO, ESTE VENRES, FIXEMOS UNHA DEGUSTACIÓN DE PRODUCTOS DE OUTONO QUE TROUXEMOS ENTRE TODOS. NESA MESA HABÍA DENDE COGUMELOS E CABAZAS ( QUE NON PUIDEMOS DEGUSTAR) ATA CASTAÑAS, NOCES, MAZÁS, FIGOS, UVAS, MEL, PERAS, MANDARINAS.PROBAMOS DE CASI TODO E O QUE MAIOR ACEPTACIÓN TIVO CASE FOI A MEL QUE ESTABA BOIIIIIISIMA¡¡